ABŞ Dövlət katibi Blinkenin Yaxın Şərqə, xüsusilə, İsrailə səfəri olduqca maraqlı bir vaxta-İrana dron hücumu ərəfəsinə təsadüf edir. Bu səfərdən əvvəl Bayden adminstrasiyası tərəfindən mətbuata "Bayden İranla münasibətlərdəki problemlərin hərbi yolla həllini istisna etmir" açıqlamasını da sadəcə təhdid kimi nəzərə aldıqda Blinkenin bu səfəri İran üçün heç nə yaxşı vəd etmir.

Yuxarıda qeyd etdiyim iki hadisə bir-biri ilə əlaqəli olsa da, yekunda ABŞ-İran müharibəsi gözlənilmir.

Rusiya-Ukrayna müharibəsinə gəldikdə, Blinkenin səfərinin İsrailin Ukraynadakı müharibə siyasətini dəyişməyəcəyini proqnozlaşdırıram. İsrail mövqeyini humanitar yardımla qoruyacaq.

Artıq Qərb dövlətləri liderləri də müharibənin uzanacağından əmindirlər. Almaniyanı da tank məsələsində "yola gətirən" ABŞ və yaxud Polşa Ukraynadakı müharibənin uzanacağı anonsunu vermiş oldular. Rusiya isə müharibəni canlı qüvvə bahasına davam etdirməkdə israrlı görünür. Beynəlxalq Valyuta Fondunun Rusiya iqtisadiyyatının 2023-cü il üçün verdiyi proqnoz qərbi narahat edir. Belə ki, Fond Rusiya iqtisadiyyatının azalmaq əvəzinə, 0,3% artacağınını proqnozlaşdırıb. Bu da ciddi sanksiyalara məruz qalan Rusiya üçün böyük uğur hesab edilir. Bu hadisələr fonunda Rusiyanın səfərbərlik elan edərək, əlavə canlı qüvvə cəlb etmə ehtimalı güclənir.

bakunews.az