"Bir neçə gün əvvə Ukraynada müharibənin baş verdiyi ərazidən uzaq Lvov şəhərində BMT-nin baş katibi Antonio Quterreş, Türkiyə Cümhuriyyətinin Prezidenti Rəcəb Tayyib Ərdoğan və Ukraynanın dövlət başçısı Zelenski arasında keçirilən 3-lü zirvəyə 3 hadisə damğasını vurdu".

Bunu bakunews.az-ya milli.az-a istinadənaçıqlamasında Türkiyənin təhlükəsizlik üzrə eksperti Abdullah Ağar deyib.

O bildirib ki, Rusiya-Ukrayna müharibəsinin harada dayanacağı və nə zaman bitəcəyinin proqnozlaşdırmaq çox çətindir:

"Bu görüşdə əsas taxıl ixracı, Zaporojedəki nüvə stansiyasının yaratdığı risklər və Rusiya ilə Ukrayna arasında sülhün əldə olunması üçün lazım olan addımlarla bağlı məsələlər diqqət mərkəzində idi.

Təbii ki, orada bir də gündəmdə yer almayan məsələlərin müzakirəsi məsələsi var idi. Bunlarla bağlı verilən açıqlamalarda daha bir başlıq özünü göstərdi. Müharibədən sonra Ukraynanın yenidən qurulması.

Məlumdur ki, indiyədək Ukraynanın infrastrukturuna ciddi ziyan dəyib. Bu gün bunu dəqiq hesablamaq mümkün olmasa da, 1 trilyon dollardan artıq dağıntı və itkidən danışılır.

Türkiyə həqiqətən də bu prosesdə də mühüm rol oynaya bilər. Ancaq müharibə bitsə! Çünki bu müharibəni bitirmək çox çətindir. Görünən odur ki, müharibənin bitməsi olduqca mürəkkəbdir.

Əlbət, bir gün bitəcək, amma harada dayanacağı və nə zaman bitəcəyi məlum deyil. Bəlkə də müharibə daha geniş ərazilərə yayılacaq. Axı bu müharibə təkcə Rusiya ilə Ukrayna arasında gedən bir savaş deyil. Söhbət geosiyasi qırılma xəttindən, geosiyasi hesablaşmaqdan gedir. Başqa sözlə, müharibə aparanların müharibəni bitirmək üçün təkbaşına qərar vermələri mümkünsüzdür.

Təbii ki, təkcə geosiyasi hesablamalar deyil, həm də müharibə aparan Ukrayna və Rusiyanın özünəməxsus geosiyasi həssaslıqları, şərəf və qürur dəyərləri də bu savaşın gedişatında təsirə malikdir.

Lvovda keçirilən üçtərəfli zirvə görüşü zamanı ilə Türkiyə və Ukrayna arasında sənədlərin imzalandığı vaxtda Xarkov Rusiya ordusunun növbəti bombalı hücumauna məruz qaldı. Hücumların çox ağır olduğunu, 20-yə yaxın insanın həyatını itirdiyini, 50-yə yaxın insanın isə yaralandığı məlumatı gəldi.

Bunun Ərdoğanın səfəri və bağlanan razılaşmalarla əlaqəsi varmı? Çox kəskin şərhlər verə bilmərik, lakin bunun təsadüf olmadığını düşünmədən də keçmək olmur. Təbii ki, ən dəqiq məlumatları ancaq Putin və onun generallarından öyrənə bilərik".

bakunews.az