Sumqayıt şəhəri 34 nömrəli tam orta məktəbin direktoru Afik İsmayılovun fəaliyyəti ilə bağlı redaksiyamıza daxil olan məlumatlar ciddi narahatlıq doğurur. Valideyn və müəllimlərin verdiyi iddialara əsasən, məktəbdə qanunsuz pul yığımı, dərs yüklərinin satılması və birinci siniflərə qəbul zamanı rüşvət mexanizminin qurulması hallarının olması bildirilir.

Bakunews.az-a verilən məlumatlarda iddia edilir ki, məktəb direktoru Afik İsmayılov şagirdləri sinifdən-sinifə keçirərkən hər valideyndən 200 manat məbləğində “keçid haqqı” tələb edir. Bir sıra valideynlərin valideynlərin bildirdiyinə görə, bu məbləğ ödənilmədikdə, uşağın illik qiymətləri müsbət olsa belə, süni şəkildə problemlər yaradılır. Problemin yaranmasından sonra isə o uşağın dərsə olan maraqları suni şəkildə öldürülür. Valideynlər yaranan bu problemin həlli üçün məcburiyyət qarşında qalaraq tələblərə boyun əyir və ya həmin məktəbi tərk etməli olur.

Adının açıqlanmasını istəməyən bir valideyn deyir: “Elektron jurnalda övladımın nəticələri qaydasındadır, amma müəllim dedi ki, direktorla danışmaq lazımdır. Danışanda isə açıq şəkildə 200 manat istədilər. Dedi ki, keçmək istəyirsə, bu qədər verməlisiniz. Əks halda, əlavə imtahanlar olacaq.” Sinif dəyişdirilməsinə görə təhsildə əlavə imtahan nəzərdə tutulmadığı halda dirketorun valideynə istəyini icra etdirməyin bu cür üslublara əl atması isə qəbul edilməz hal hesab edilir.

Qeyd etməliyik ki, məktəbdə dərs bölgüsü də narazılıq doğurur. Müəllim heyətinin dərs yükləri ilə bağlı qeyri rəsmi əldə etdiyimiz məlumatlardan məlum olub ki, Afik İsmayılov dərs saatlarını rəsmi qaydada yox, şəxsi maraqları və ödəniş müqabilində bölüşdürür. Təhsil haqqında qanun tələbləri də məhs Afik İsmayılov tərəfindən kobud şəkildə göz ardı edilir. Daha çox ödəniş edən müəllimlər daha yüksək dərs yükü alır, bu isə həm pedaqoji kollektivdə ədalətsizlik yaradır, həm də tədris keyfiyyətinə mənfi təsir göstərir. “Eyni ixtisaslı bütün müəllimlərə əgər həmin ixtisasdan dərs saatalrı kifayət həcmdədirsə müəlimlər arasında 18 dərs saatı olmaqla bölünür. Eyni ixtisaslı hər müəllim 18 dərs saatı ilə təmin olunduqdan sonra qalan dərslər dioqnostik qiymətləndirmədə yüksək nəticə göstərən müəllimlər arasında bölünür.

Əgər məktəbdə eyni ixtisaslı hər müəllimə 18 dərs saatı çatıbsa dioqnostik qiymətləndirmədən aşağı nəticə göstərən müəllimə 18 saatdan az dərs saatı verilməsi qanuvericiliyə ziddir. Dioqnostik qiymətləndirmədən yüksək nəticə göstərən müəllimlərə daha artıq dərs yalnız o zaman verilə bilər ki bütün eyni ixtisaslı müəllimlər minimum 18 saat dərs saatı ilə təmin olunsunlar.”

Redaksiyamıza anonimliyi qorunmaq şərti ilə müəllim bildirir ki, “Əvvəllər dərs bölgüsü fənn üzrə təcrübəyə əsasən edilirdi. İndi isə pulu çox verən müəllim çox saat alır. Yeni gələn müəllimlər belə üstünlük qazanır.”

Rəsmi olaraq Təhsil Nazirliyinin müəyyən etdiyi elektron qeydiyyat sistemi tətbiq edilsə də, məktəbdə bu sistem faktiki olaraq təsirsizdir. Valideynlər qeydiyyatı sistem üzərindən həyata keçirsələr də, təsdiq mərhələsində direktorun qəbuluna çağırılır və müəyyən hallarda “qeydiyyatın tamamlanması” üçün əlavə ödənişlər tələb olunduğu iddia olunur. Qeyd edək ki, bir çox təhsil ocaqlarında bu halın mövcud olması reallıqdır. Elektron qaydada şagirdi yerləşdirdiyi halda direktorla hansı məqsədlə görüşə çağrıldığı cürbə cür bəhanələrlə izah edilməkdədir. Lakin qanun bir başa əmr edir tövsiyə etmir. Elektron qaydada övladınızı orta məktəbə yerləşdirilməsi təmin edilir. Lakin bu elektronun təsdiqi belə yenədə direktorun ixtiyarına verilib. Valideynlər tələb edir ki, məhs bu qayda ləğv edilərək Regional idarələrin nəzarətinə verilsin. Övladlarının məktəbə yerləşdirdikdən sonra direktorun qapısında növbəyə düzülmək istəmirik deyə valideynlər irad bildirir.

Valideynlərin sözlərinə görə, proses formal olsa da, faktiki olaraq şəffaflıqdan uzaqdır: “Biz sistemdə uşağı qeydiyyatdan keçirdik. Sonra zəng gəldi ki, direktorla görüşmək lazımdır. Görüşdə bizə açıq demədilər, amma dolayı yolla rüşvət tələb olundu. Bu cür hallar yolverilməzdir.”

Həmçinin qeyd edək ki, direktor müavini Zülfiyyə Əliyeva bir sinifə rəhbərlik edir, həmçinin təşilatçı Amalya Allahverdiyeva iki sinif rəhbərliyi icra etməklə yanaşı həmçinində dərs bölgüsünü aparması bir çöx narazılıqlara səbəb olmaqdadır. Direktor öz səlahiyyətlərini digər şəxslərə həvalə etməsi ciddi məsələlərdə nöqsanların yaranmasına baxmayaraq sükunətini qoruması isə artıq hərc-mərcliyin dözülməz nöqtəsinə gətirib çıxarmışdır. Burdanda anlaşıldığı kimi Afik İsmayılov üçün məsuliyyətli olan işlərdən vacib olan ona gələcək gəliridir. Lakin bu cür yanaşmanın nəticəsidir ki, təhsildə savad deyil övladlarımıza hər şeyin pulla alınması nümayiş etdirilir. Müəllim kollektividə tez bir zamanda yaranmış problemlə bağlı Regional idarə rəhbəri İlhamə Abdullayevanın tədbir görəcəyinə, onları düşdükləri durumdan xilas edəcəyinə inanırlar.

Məsələ ilə bağlı Abşeron-Xızı Regional Təhsil İdarəsinin və Sumqayıt Təhsil Sektorundan açıqlama almağa çalışacağıq. Redaksiyamız məsələ ilə bağlı hazırda rəsmi mövqe gözləyir. Qeyd edək ki, bu cür hallar Təhsil Nazirliyinin şəffaflıq prinsiplərinə və vətəndaş məmnunluğu məqsədinə ziddir.

Mövzu ilə bağlı aidiyyəti qurumların tez bir zamanda araşdırma apararaq, məsul şəxslərə qarşı lazımi tədbirlər görməsi ictimaiyyətin gözləntisidir.

Aytən Bəxtiyarqızı
Bakunews.az