Sərxoş sürücünün sərnişinindən narkotik vasitə aşkarlandı VİDEO
Ələt-Astara avtomobil yolunun Kürsəngi kəndi ərazisindən keçən hissəsində Baş Dövlət Yol Polisi İdarəsinin Yol Patrul Xidməti Alayının əməkdaşları tərəfindən keçirilən tədbirlər zamanı “Hyundai” markalı avtomobil saxlanılıb.
Müəyyən edilib ki, avtomobilin sürücüsü Əjdər Şıxməmmədovun narkotik vasitənin təsiri altında nəqliyyat vasitəsini idarə etməsinə dair əsaslı şübhələr yaranıb. Sürücü tibbi müayinəyə cəlb olunub və müayinə nəticəsində onun narkotik vasitə qəbul etdiyi təsdiqlənib.
Araşdırmalar zamanı avtomobildə olan sərnişinlərdən birinin üzərinə baxış keçirilərkən narkotik vasitələr aşkar edilərək götürülüb.
Faktlarla bağlı hər iki şəxs barəsində qanunvericiliyə uyğun tədbirlər görülüb, araşdırmalar davam etdirilir.
Baş Dövlət Yol Polisi İdarəsi sürücülərə müraciət edərək narkotik vasitələrin təsiri altında sükan arxasına əyləşməyin ağır nəticələrə səbəb ola biləcəyini xatırladıb və bu cür qanun pozuntularına qarşı nəzarət tədbirlərinin davam etdiriləcəyini bildirib.
BNTV.az
Əlaqə whatsapp:+994 70 402 02 85
BakuNews.az
