Baba Rzayevin kürəkəni Fərid Fərhadzadə Londonda şirkət açıb-Video
Azərenerji ASC-nin prezidenti Baba Rzayevin kürəkəni Fərid Fərhadzadə İngiltərədə alüminium şirkəti açıb.
xəbər verir ki, bu barədə Axar.az-a daxil olan məlumatda bildirilir ki, Fərid Fərhadzadə bu ilin martında ad gününə özəl olaraq Londonda ALUFAR UK LIMITED şirkətini qeydiyyatdan keçirib. Sənədlərə görə şirkətin direktoru Vüqar Axundov adlı şəxsdir, benefissiarı isə Fərid Fərhadzadədir.
Məlumata görə, Fərhadzadə yeni şirkətini Londonda İsrail vətəndaşı kimi təsis edib.
Şirkətə 25120 fəaliyyət kodu – metal qapı və pəncərə istehsalı lisenziyası verilib. Bu sahə əsasən müxtəlif növ metal materiallardan (məsələn, alüminium, polad, dəmir və s.) qapı, pəncərə və onların çərçivələrinin istehsalı ilə məşğul olan müəssisələri əhatə edir.
Qeyd edək ki, Baba Rzayevin kürəkəni olan Fərid Fərhadzadənin atası isə Fövqəladə Hallar Nazirliyi yanında Kiçikhəcmli Gəmilərə Nəzarət və Sularda Xilasetmə Dövlət Xidmətinin rəisi general-mayor Rüfət Lətif oğlu Fərhadovdur.
Əlaqə whatsapp:+994 70 402 02 85
BakuNews.az
