Asəf Əhmədov zərərli maddələrin aludəçisinə çevrilən şəxslərin həyatlarının puç olmasından danışıb - FOTO
Salyan Rayon Polis Şöbəsinin təşkilatçılığı ilə rayonun Arbatan, Qarabağlı və Yuxarı Xalac kənd tam orta məktəblərində “Narkomaniyaya yox deyək”, “Erkən və Qohumlar arasında nikahların mənfi nəticələri” mövzularında maarifləndirici görüşlər keçirilib. Tədbirlərdə polis şöbəsinin əməkdaşları, məktəblərin pedaqoji heyəti və yuxarı sinif şagirdləri iştirak ediblər.
Görüşlərdə çıxış edən RPŞ-nin rəis müavini, polis polkovnik-leytenantı Asəf Əhmədov, narkomaniyanın gənclərin mənəviyyatına və əxlaqına mənfi təsir göstərməsindən, zərərli maddələrin aludəçisinə çevrilən şəxslərin həyatlarının puç olmasından danışıb. Bildirib ki, bu maddələrin qurbanına çevrilən gənclər onun fəsadlarından qurtula bilmir, öz parlaq gələcəklərini məhv edirlər.
Daha sonra digər mövzular ətrafında çıxış edən tədbir iştirakçıları məktəblilərə dəyərli tövsiyələr verərək onları maraqlandıran sualları cavablandırıblar.
Hər üç tədbirin sonunda narkotiklərin fəsadlarından bəhs edən film nümayiş etdirilib.
Əlaqə whatsapp:+994 70 402 02 85
BakuNews.az
