Qum kəndində biabırçı mənzərə – Şəhid ailəsinin evi qarşısında zibil dağları
Qax rayonunun Qum kəndində yerləşən şəhid ailəsinin yaşadığı ərazidə ciddi ekoloji problem yaşanır. Bakunews.tv-yə göndərilən video süjetdə qeyd olunur ki, ailənin yaşadığı evin qarşısı zibil poliqonuna çevrilib. Ərazidə toplanan məişət tullantıları həm mənzərəni korlayır, həm də sağlamlıq üçün təhlükə yaradır.
Sakinlərin sözlərinə görə, məsələ ilə bağlı dəfələrlə müvafiq qurumlara məlumat verilsə də, problemin həlli istiqamətində hələ də heç bir tədbir görülməyib. “Əhalinin narazılığına baxmayaraq, illərdir bu əraziyə zibil atılır. Amma heç olmasa şəhid ailəsinə hörmət olunmalı, onların yaşadığı yer belə vəziyyətdə saxlanılmamalıdır,” – deyə kənd sakinlərindən biri bildirib.
Hazırda kənd ictimaiyyəti Qum kəndində bu cür halların qarşısının alınması və ərazinin təmizlənməsi üçün Qax Rayon İcra Hakimiyyəti və aidiyyəti qurumlardan dərhal müdaxilə tələb edir.
Əlaqə whatsapp:+994 70 402 02 85
BakuNews.az
