“Azerbaijan Journal of Physiology” jurnalı nüfuzlu beynəlxalq bazaya daxil edilib
Akademik Abdulla Qarayev adına Fiziologiya İnstitutu və Azərbaycan Fizioloqlar Cəmiyyətinin birgə nəşri olan “Azerbaijan Journal of Physiology” jurnalı AGRIS (Aqrar Elm və Texnologiya üzrə Beynəlxalq Sistem) beynəlxalq indekslənmə bazasına daxil edilib.
BMT-nin Ərzaq və Kənd Təsərrüfatı Təşkilatı (FAO) tərəfindən təsis edilən AGRIS dünyanın aparıcı ictimai məlumat xidmətlərindən biridir. Bu sistem istifadəçilərə geniş tədqiqat kolleksiyasına və dünya miqyasında qida və kənd təsərrüfatı ilə bağlı texniki məlumatları birləşdirən biblioqrafik bazaya birbaşa çıxış imkan verir.
Azərbaycan Respublikasının Prezidenti yanında Ali Attestasiya Komissiyası biologiya və aqrar elmləri sahəsi üzrə AGRIS bazasını beynəlxalq xülasələndirmə və indeksləmə sistemlərinə (bazalar) aid edir və bu bazada indeksləşən jurnallarda çıxan məqalələr beynəlxalq məqalə kimi qəbul olunur.
Qeyd edək ki, “Azerbaijan Journal of Physiology” jurnalı Azərbaycan Respublikasının Prezidenti yanında Ali Attestasiya Komissiyası tərəfindən tanınır. Jurnal, həmçinin Google Scholar və RSCI məlumat bazalarına daxildir. Bütün məqalələrə CrossRef sistemində qeydiyyatdan keçmiş rəqəmsal obyekt identifikatoru (DOI) verilir. Hazırda jurnalın növbəti sayı üçün məqalələrin qəbulu davam edir.
AGRIS platformasında “Azerbaijan Journal of Physiology” jurnalının profilinə keçid aşağıdakı linkdə mövcuddur:
https://www.fao.org/agris/data-provider/academician-abdulla-garayev-institute-physiology
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
