Ulutv.İnfo xəbər verir ki, tədbirdə Sabunçu Rayon İcra Hakimiyyətinin başçısı Adil Vəliyev, Sabunçu Rayon İcra Hakimiyyəti başçısının müavini Rəna Fərəcova, YAP Sabunçu rayon təşkilatının sədri Araz Xudadanov, Bakı Baş Səhiyyə Mərkəzinin əməkdaşı Əli Quliyev, akademik Zərifə Əliyeva adına Milli Oftalmologiya Mərkəzinin həkim oftalmoloqu Rəvanə Həsənova, Sabunçu Rayon İcra Hakimiyyəti başçısı aparatının məsul əməkdaşları və digər nümayəndələr iştirak ediblər.

İlk olaraq qonaqlar akademik Zərifə Əliyevanın həyat və yaradıcılığını əks etdirən foto sərgiyə baxış keçiriblər.

Azərbaycan Dövlət Himni səsləndirildikdən sonra akademik Zərifə Əliyevanın zəngin həyat və yaradıcılığından bəhs edən videoçarx nümayiş olunub.

Tədbiri giriş sözü ilə açan Sabunçu Rayon İcra Hakimiyyətinin başçısı Adil Vəliyev görkəmli oftalmoloq-alim, akademik Zərifə Əliyevanın alim kimi qazandığı böyük uğurların Azərbaycan tibb elminin tarixində ayrıca bir mərhələ təşkil etdiyini, onun keçdiyi şərəfli ömür yolunun hər bir Azərbaycan vətəndaşı, hər bir alim və həkim üçün həyat və mənəviyyat dərsi, kamillik və müdriklik məktəbi olduğunu qeyd edib.

Çıxış edən YAP Sabunçu rayon təşkilatının sədri Araz Xudadanov, Bakı Baş Səhiyyə Mərkəzinin əməkdaşı Əli Quliyev, akademik Zərifə Əliyeva adına Milli Oftalmologiya Mərkəzinin həkim oftalmoloqu Rəvanə Həsənova və digərləri akademik Zərifə xanım Əliyevanın Azərbaycan oftalmologiya elmini dünya təbabətində beynəlxalq oftalmologiya elmi mühiti səviyyəsinə qaldırması, elmi-pedaqoji fəaliyyəti, çox şaxəli elmi-tədqiqat işləri, yüksək ixtisaslı gənc alim kadrları yetişdirməsi, xalqının tərəqqisi və maariflənməsinə əvəzsiz töhfələr verməsi və zəngin mənəviyyata sahib olmasından söz açdılar, xalqımızın qəlbində əbədi yaşayacağı, daim dərin ehtiram və rəğbətlə anılacağını qeyd ediblər.

Fərid Şərifov
Ulutv.İnfo