Müharibələrin çoxaldığı dünya boşalmağamı meyil edəcək, dağılmağa mı?
Cavabı tapılmayan bu sual qarşısında bizi qoyan dünya qırğınları, ölkələr savaşı yalnız bir torpağa görədirmi?
Dünyanı idarə edən bir çox gizli qüvvələrin məqsədi nədir?
Siyasi, dünyəvi baxışların fərqli təzadına tuş gələn insan həyatı amalı məhv olmaq üzrədir.
Hansısa ölkəni ayaq altına almaq istəyənlərin məqsədi öz ölkəsinimi qorumaqdır, xalqını mı? Hər hansı halda ölkə də dağılır, xalq da.
Müharibələr artıq agressivlik, psixoloji gərginlik səbəbinə dönüşüb. Ölkələr uzun dövrlərdir ki, özlərini qorumaq üçün hər cür qüvvələrə, tədbirlərə əl atırlar. Artıq nüvə müharibələrinin qorxusu altındayıq.
Niyə? Nə üçün?
Bütün dövrlərdə olduğu kimi məqsəd torpaqdır.
Torpaq…
Torpaq nə gətirir?
Yaşayış, istehsal, məhsul, vergi.
Bu, bütün ölkələrdə var axı… Daha artığına nail olmaq istəyi, uzun dövrlər boyu hakimiyyətdə olanların hər birinin xəstəliyimi?
Bəli, başqa cavab yoxdur…
Ölkədaxili müharibələr də hakimiyyət uğrundadır, dünyəvi müharibələr də.
Siyasi durumlar, münaqişələr, baxışlar, qiymətlər hakim qurumları xaotik durumda saxlayır.
İnsanların bir çoxunda olduğu kimi, daha artığına nail olmaq istəyi, dünya prezidentlərinin də 90% faizində var.
Məncə bu, xalqdan, milli yaranışdan və itki qorxusundandır. İlk yaranmış insanların da bir çoxu yemək üçün heyvanları, bəziləri isə bir-birini öldürürdülər.
Yenə də, həmin dövrü yaşayırıq. Etiraz edən varmı?
İndiki dövrdə fərq bir-birinin torpaqlarına, əmlakına göz dikmək, eytiyacların ödənilməsini siyasiləşdirmək və ölkələri dağıtmaqdır…

Sənubər Səhər