Bakı Ağır Cinayətlər Məhkəməsində hakim Aytən Əliyevanın sədrliyi ilə Cinayət Məcəlləsinin 234.4.3-cü maddəsilə təqsirləndirilən şəxs Məmmədbağır Fərəcovun növbəti məhkəmə prosesi keçirilib. "BakuNews"in məlumatına görə, Fərəcov Məmmədbağır Maarif oğlunun məhkəmə prosesində təqsirləndirilən şəxsin vəkili Elşad Daşdəmirov bir neçə vəsatət verib. O, vəsatətində göstərib ki, Məmmədbağır Fərəcovun həm şübhəli şəxs, həm də təqsirləndirilən şəxs qismində olanda imzası ibtidai istintaq vaxtı saxtalaşdırılıb, bu səbəbdən xəttşünaslıq ekspertizasının təyin edilməsini xahiş edib: " Həmçinin tutulma və baxış protokolunda müdafiəçinin adı yoxdur. Ona hansı müdafiəçi verilibsə onun telefonunun həmin tarixə anten məlumatları müəyyən edilsin. Şahid Elşən Səfərovun imzası ilə bağlı məsələyə isə onu deyə bilərəm ki, həmin şəxs dəfələrlə ifadə verib. Ona zorla ifadəyə qol çəkdiriblər. Mən yalnız Məmmədbağır ilə bir yerdə olmuşam, üzərinizdə heç bir narkotik vasitə olmayıb".

Hakim Aytən Əliyeva Məmmədbağır Fərəcova təyin olunan müdafiəçinin adının Nurəddin Məmmədli olduğunu bildirdi və həmin müdafiəçinin növbəti prosesdə əlavə şahid qismində dindirilməsi barədə qərar çıxartdı.
Sonra hakim narkoloji və xəttşünaslıq ekspertizası ilə bağlı vəsatətlərin təmin olunması barədə qərarı elan etdi. Vəkilin heç bir vəsatəti təmin olunmadı.
Xatırladaq ki, Məmmədbağır Fərəcov heç bir narkotik maddədən istifadə etmədiyini və onun heç nədən asılılığının olmadığını ifadəsi zamanı bildirib. Və saxlanılan zaman üzərində heç bir selofan torba olmayıb.Yazilan 18 qutu qurudulmuş marixuana və metamfetamin yalandır, onun üzərində olmayıb.
Məhkəmə prosesi 23 yanvar tarixinə kimi təxirə salındı.