Nizami rayonunda ağacların məhv edilməsi ilə bağlı iddialar – İcra başçısı narahat deyil - VİDEO
Bakı şəhərinin Nizami rayonu, Qara Qarayev prospekti 124 ünvanında aparılan tikinti işləri ətrafında narazılıq yaranıb. Sakinlər iddia edirlər ki, ərazidə yerləşən meşə zolağı dağıdılaraq tikinti aparılır.
Bizimesr.az-ın patrul.az-a istinadən verdiyi məlumata görə, həmin ərazidə yaşayan vətəndaşlar ağacların kütləvi şəkildə məhv edilməsindən narahat olduqlarını bildirərək videogörüntülər paylaşıblar.
Görüntülərdə tikinti zamanı bir sıra ağacların zədələndiyi, bəzilərinin isə tamamilə məhv edildiyi müşahidə olunur. Bundan əlavə, qazıntı işləri aparılan sahədə təhlükəsizlik qaydalarına riayət olunmadığı da diqqət çəkir. İddialara görə, ərazidə çalışan işçilər üçün zəruri təhlükəsizlik tədbirləri görülmür.
Sakinlər məsələ ilə bağlı aidiyyəti qurumların araşdırma aparmasını və ağacların qorunması üçün tədbir görülməsini tələb edirlər.
Məsələ ilə bağlı rəsmi qurumların mövqeyi hələlik açıqlanmayıb.
Əlaqə whatsapp:+994 70 402 02 85
BakuNews.az
