Ötən gün baş tutan İtaliyada baş tutan“Qarabağ”-“Napoli” qarşılaşmasını izləyənlər arasında Azərbaycan Respublikasının Xarici işlər naziri Ceyhun Bayramov da olub.
Vatikanda səfərdə olan nazir "Stadio Diego Armando Maradona" stadionunda oyunu izləyib.

“Qarabağ” FK-nın instaqram səhifəsində də nazirin oyundan sonra çəkilən fotoları paylaşılıb:

“Azərbaycan Respublikasının xarici işlər naziri Ceyhun Bayramov UEFA Çempionlar Liqasının V turu çərçivəsində keçirilən “Napoli”-"Qarabağ" matçını stadiondan izləyib. Ceyhun Bayramov görüş başa çatdıqdan sonra klubumuzun rəhbərliyi, futbolçular və məşqçi heyəti ilə görüşüb. Görüş zamanı C. Bayramov komandanın son illərdəki inkişaf dinamikası xüsusi qeyd edib. Nazir vurğulayıb ki, əvvəlki illərdə güclü rəqiblərlə qarşılaşmalarda daha çox çətinliklərin yaşanması fonunda bu gün “Qarabağ” elə bir səviyyəyə yüksəlib ki, artıq ən nəhəng klublara qarşı belə oyunun nəticəsinə həssas yanaşılır. Ceyhun Bayramov komandanın nümayiş etdirdiyi iradəni və stabil performansı yüksək dəyərləndirib, uğurların davamlı olacağına inandığını bildirib və gələcək oyunlarda uğurlar arzulayıb”, - deyə paylaşımda bildirilir.

C Bayramov oyundan sonra klub rəhbərliyi, futbolçular və məşqçi heyəti ilə görüşüb. O, “Napoli” rəhbərliyinə xalça hədiyyə edib.

Qeyd edək ki, matç “Napoli”nin 2:0 hesablı qələbəsi ilə başa çatıb.