Referans Media heyəti vətəndaş Əbilov Mahir Aslan oğlunun şikayəti əsasında Masallı rayonunun Lürən kəndinə getmişdik.
Kənd Musakücə bələdiyyəsinin ərazisinə daxildir. Şikayətçinin dediyinə görə artıq 6 aydır qonşuluqdakı Tura və Qacar Yəhyayevlər, həmçinin Natiq Mahmudov adlı şəxs onun yolunu kəsib işlərinə, gediş-gəlişinə mane olurlar.
Bu vəziyyət Mahir Əbilovun təsərrüfatının getdikcə ziyanla işləməsinə səbəb olur. Məsələnin həllini tələb etdikdə icra bələdiyyənin, onlar da əmlak idarəsinin üstünə atır.
Beləcə “ötür-ötür” oyunu gedir. Əmlak idarəsinin Eynəli Məmmədov, Sultanağa Nəsirov, Nofəl adlı məmurları işi uzadırlar.
Masallı əmlak şöbəsi, reyestr xidməti şikayətçini Cəlilabaddakı eyni adlı idarələrə, onlarda əks tərəfə yönəldirlər. Məsələnin sirri də odur ki, Cəlilabadda yerləşən reyestr xidmətinin rəisi Anar Vəliyev Mahir Əbiyevin təsərrüfatına gedən yolu zəbt edən Natiqin dostudur.
Ona görə də Cəlilabad əmlak şöbəsinin rəisi İftixar Quliyevlə əl-ələ verib dostunun özbaşınalığına şərait yaradır.
Masallı İcra Hakimiyyətində olanda bizə qarşı tərəfin həmin yerlərə aid qanuni sənədlərinin olduğunu bildirdilər.
Həmin sənədlərin əslini istədik. Bundan sonra icra hakimiyyətinin hüquqşünası Azər Bəhmənov söhbətdən yayınmağa, kobud tərzdə danışmağa başladı.
Bu adam sakinlərlə də o cür danışırdı. Hörmətli icra başçısı Araz Əhmədov deyəsən hüquqşünası külli-ixtiyar sahibi edib.
Bu məmurcuq o qədər harınlayıb ki, jurnalistləri qapıda, dəhlizdə gözlətməkdən həzz alır. Referans Medianın rəhbəri Ramin müəllim Masallı İcra Hakimiyyətində olarkən sənədləri mobil telefonunda təqdim etdi.
Lakin Azər Bəhmənov buna razı olmadı. Qəribədir, bu adam elə bil mağara dövründən “yadigar”dı. Elektron hökumət, onlayn xidmət anlayışı bu məxluq üçün yəqin yad anlaşlardı.
Biz ərazidə olarkən Mahir Əbilovun Lürən kəndindəki təsərrüfatının yerləşdiyi məkanın xəritəsini gördük. Orada təsərrüfatın yanından yol keçdiyi göstərilir.
Bolt tətbiqi vasitəsilə taksi sifarişi verdikdə də həmin ərazidən yol keçdiyi görünür. Bu da bir daha qarşı tərəfin qanun pozuntusu törətdiyini sübut edir.
Fermer Mahir Əbilov polisə, prokurorluğa yazdığı ərizələrlə də probleminin həll olunmadığını görüb hər şeyi ataraq bu sahədən uzaqlaşmaq istəyir.
Çünki dövlət başçısı həmişə sahibkarların yanında olduğunu qeyd edir, onların fəaliyyətinə müxtəlif dövlət təşkilatlarının müdaxilə etməməsini tapşırır, amma bu tövsiyə, tapşırıq bəziləri tərəfindən dərk edilmir.
Vətəndaş Əbilovun məsələsində sahibkarlıq fəaliyyətinə müdaxilə faktı olmasa da onun işinə qonşuluqda yaşayanlar mane olur. Bunun qarşısını dövlət orqanları almalıdırlar.
Ancaq öhdəliklərini yerinə yetirmirlər. Dövlət orqanlarının rayon təşkilatıarının ixtiyarında qüvvə, səlahiyyət olmasına baxmayaraq vəzifələrindən istifadə edib sahibkara qarşı qanuna uyğun olmayan hərəkətlərə yol verən adamları tənbeh etmirlər.

Teref