Sudanın Çevik Dəstək Qüvvələri (xüsusi təyinatlılar) atəşkəs müqaviləsini imzalamağa və ölkə ordusunun nümayəndələri ilə sülh danışıqlarına başlamağa hazır olduqlarını bildiriblər.

Bu açıqlama ilə Çevik Reaksiya Qüvvələrinin komandanı Məhəmməd Həmdan Daqalo çıxış edib.

“Çevik Dəstək Qüvvələri Sudanda atəşkəsə və Sudan böhranının sülh yolu ilə həllinə, həmçinin mülki hökumətin qurulmasına gətirib çıxaracaq hərtərəfli siyasi danışıqlara tam hazırdır”, - Məhəmməd Həmdan Daqalonun BMT-yə müraciətində qeyd olunub.

M.H.Daqalo əlavə edib ki, Çevik Dəstək Qüvvələri beynəlxalq humanitar yardımın əhaliyə çatdırılmasını təmin etməyə və mülki şəxslərin münaqişə zonalarından çıxması üçün təhlükəsiz dəhlizlər yaratmağa hazırdır.
Qeyd edək ki, Sudan ordusu ilə qiyamçı Çevik Dəstək Qüvvələri arasında cari ilin aprelin ayından davam edən vətəndaş müharibəsi ölkədə siyasi və humanitar böhrana səbəb olub.

Mənbə: Al Hadath