Azərbaycanın rütbəli generallar arasında qohumluq əlaqələri mövcuddur. 

Ölkənin ən yüksək rütbəli generalları arasında formalaşan bu ailə bağları ictimai maraq doğurur.

Belə ki, fövqəladə hallar naziri, general-polkovnik Kəmaləddin Heydərov Dövlət Sərhəd Xidmətinin rəisi, general-polkovnik Elçin Quliyevlə qudalıq münasibətindədir. Nazirin kiçik oğlu Nicat Heydərov Elçin Quliyevin qızı ilə ailə həyatı qurub.

Ədliyyə strukturlarında da qohumluq münasibətləri mövcuddur. Ədliyyə naziri, III dərəcəli dövlət ədliyyə müşaviri Fərid Əhmədovun xalasının həyat yoldaşı Penitensiar Xidmətin rəis müavini, general-mayor Oqtay Məmmədovdur.

Baş Prokurorluq və Ədliyyə Nazirliyi arasında da ailə bağı var. Baş prokuror, I dərəcəli dövlət ədliyyə müşaviri Kamran Əliyevin qızı ədliyyə nazirinin müavini, II dərəcəli dövlət ədliyyə müşaviri Eldar Nuriyevin oğlu ilə evlidir.

Sabiq general-mayor Həsən Eyyubov, Prezidentin Mühafizə Xidmətinin keçmiş rəisi, general-polkovnik Bəylər Əyyubovun qardaşı oğludur.

Bundan əlavə, general-mayor Elnur Kazımov 2022-ci ilədək hərbi prokurorun müavini vəzifəsində çalışmış ədliyyə general-mayoru Rasim Kazımovun qardaşıdır.

Gömrük general-mayoru Ehtiram Xəlilovun bacısı qızı general-mayor Nazim Əliyevin həyat yoldaşıdır. 

Hazırladı: Nərmin Balacayeva