Ermənistanda dövlətə xəyanət və casusluqla bağlı 4 nəfərə açılmış cinayət işi yekunlaşıb.

bakunews.az qaynarinfo-ya istinadən xəbər verir ki, həmin iş üzrə ittiham aktı məhkəməyə təhvil verilib. 

Həmin şəxslər erməni hərbi hissələrin yeri, hərbi texnikaların sayı, ordunun hücum və müdafiəsi planları, orduda taktiki yerdəyişmə, həmçinin xəritə əsasında hərbi qüvvələrinin dəqiq coğrafi koordinatlarını əldə etməkdə və xarici xüsusi xidmət orqanlarına ötürməkdə ittiham olunur.

İddiaya görə, xarici kəşfiyyat xidmətləri əsasən keçmiş və indiki hərbi qulluqçuları əməkdaşlığa cəlb edib. Onlar Ermənistanda və Qarabağda xidmət etdikləri hərbi hissələrlə bağlı məlumatları və müxtəlif sənədləri xarici kəşfiyyat ötürüblər. 

Qeyd edək ki, 2022-ci il ərzində Ermənistanda dövlətə xəyanət və casusluq işləri ilə bağlı 12 şəxs barəsində ümumilikdə 5 cinayət işi məhkəməyə verilib

bakunews.az