Ermənistanda 2020-ci ilin payızında, 44 günlük müharibə zamanı işğal altında olan ərazilərdə müdafiə bölmələrindən birinin komandiri olmuş polkovnik həbs edilib.

bakunews.az qaynarinfo-ya istinadən xəbər verir ki, bu barədə Ermənistanın İstintaq Komitəsi məlumat yayıb.

Araşdırma zamanı müəyyən edilib ki, 2019-cu ilin noyabr ayından 2020-ci il noyabrın 4-dək orduda yüksək rütbəli vəzifə tutan polkovnik S.A.-nın bir sıra nizamnamə və qaydaları pozması müəyyən edilib. Belə ki, polkovnik 26 sentyabr 2020-ci ildə 100-ə yaxın zabitin iştirakı ilə ziyafət təşkil edib. 

"Bu zaman o, döyüş postlarından düşmən qoşunlarının cəbhə xəttində və arxa cəbhədə cəmləşməsi və yerdəyişməsi, hərbi əməliyyatlar təhlükəsinin kəskin şəkildə artması barədə xəbərlər alırdı. Bununla belə, polkovnik düşmənin hücumlarını müəyyən etmək, yatırmaq və ona qarşı mübarizə aparmaq üçün lazımi tədbirlər görməyib", deyə İstintaq Komitəsindən bildirilib.


Qeyd edilib ki, polkovnikin səhlənkarlığı səbəbindən hərbi birləşmənin yerləşdiyi Azərbaycan Ordusu müdafiəni yarıb və erməni tərəfi xeyli itki verib, çox sayda döyüşçü ələ keçirilib. Hərbi hissəsinin bütün şəxsi heyəti geri çəkilməyə məcbur olub, Talış və Madagiz (Suqovuşan) kəndləri Azərbaycanın nəzarətinə keçib.


Polkovnik S.A. "döyüş növbətçiliyi qaydalarını pozma, dövlətə qarşı hücumun vaxtında aşkar edilməməsinə və ya qarşısının alınmamasına səbəb olma” maddəsi ilə ittiham olunub. O, 2022-ci il iyulun 29-da həbs edilib və istintaq davam edir.

bakunews.az