İyunun 26-da Azərbaycan Respublikasının Silahlı Qüvvələrinin yaradılmasının 108-ci ildönümü münasibətilə Bakı şəhərinin mərkəzi küçə və prospektlərində hərbi orkestrlərin müşayiəti ilə təntənəli yürüşlər keçiriləcək.

Tədbirlə əlaqədar hərbi qulluqçular saat 10:00-dan 12:00-dək aşağıdakı marşrutlar üzrə hərəkət edəcəklər:

I marşrut:
Heydər Əliyev Sarayı – Bülbül prospekti – Nizami Kino Mərkəzi – Neftçilər prospekti – Azadlıq meydanı – Dəniz Vağzalı.

II marşrut:
Şəhidlər Xiyabanı – "Alov Qüllələri" Kompleksi – Çəmbərəkənd parkı – "İçərişəhər" metrostansiyası – Qala qapısı – Azərbaycan Dövlət Kukla Teatrı – Azneft dairəsi – Bəhram Gur heykəli.

III marşrut:
Q. Musabəyov parkı – Əbdürrəhim bəy Haqverdiyev küçəsi – Hüseyn Cavid prospekti – Hüseyn Cavid parkı – Parlament prospekti – Şəhidlər Xiyabanı.

IV marşrut:
"Olimpik Star" İdman və Əyləncə Mərkəzi – Səməd Vurğun küçəsi – Zabitlər parkı – Bakı Dövlət Sirki – Heydər Əliyev Sarayı – İmadəddin Nəsimi heykəli – Neftçilər prospekti.

V marşrut:
Nəriman Nərimanov heykəli – Mərkəzi Park – Azərbaycan Dövlət Akademik Milli Dram Teatrı – Qış Parkı – Heydər Əliyev Sarayı – Azərbaycan Respublikasının Mərkəzi Bankı – 28 Mall Ticarət Mərkəzi.

Sürücülərə və digər yol hərəkəti iştirakçılarına həmin saatlarda göstərilən istiqamətlərdə nəqliyyat sıxlığının yarana biləcəyi nəzərə alınaraq marşrutlarını əvvəlcədən planlaşdırmaları və mümkün olduqda alternativ yollardan istifadə etmələri tövsiyə olunur. Tədbirin təhlükəsiz və nizamlı şəkildə keçirilməsi məqsədilə aidiyyəti qurumların göstərişlərinə əməl edilməsi xahiş edilir.