Bakının nüfuzlu istirahət və yaşayış komplekslərindən biri olan Sea Breeze ərazisində fəaliyyət göstərən podrat işləri ilə bağlı ciddi narazılıqlar gündəmə gəlib.

İddialara görə, “Dəmir Yumruq” MMC-nin sahibi olduğu bildirilən Aftandil adlı şəxs və onun oğlu Turqut texnika təminatı sahəsində çalışan bir qrup sahibkara qarşı öhdəliklərini yerinə yetirmir. Belə ki, müxtəlif texnikaları icarəyə verərək aylarla layihələrdə iştirak edən şəxslərin haqlarının ödənilmədiyi bildirilir.

Məsələ ilə bağlı BNTV.az redaksiyasına müraciət edən zərərçəkmiş vətəndaşın sözlərinə görə, o və digər sahibkarlar işlərin icrası üçün öz şəxsi əmlaklarını – evlərini və avtomobillərini girov qoyaraq böyük maliyyə riskləri ilə üzləşiblər. Lakin görülən işlərin qarşılığında ödənişlərin bu günə qədər verilmədiyi iddia olunur.

Şikayətçi bildirir ki, Turqut adlı şəxsə dəfələrlə zəng etsə də, onun telefon zənglərinə cavab verilmir:

– deyə o qeyd edib.

İddialar arasında daha ciddi məqamlar da yer alır. Belə ki, Turqutun özünü toxunulmaz kimi göstərərək yüksək vəzifəli şəxslərin adından istifadə etdiyi, şikayət edənlərə isə açıq şəkildə meydan oxuduğu bildirilir:
– deyə onun söylədiyi iddia olunur.

Bundan əlavə, zərərçəkmişin sözlərinə görə, borcun ödənilməsi əvəzində ona yaşayış evi təklif edilib. Lakin bu təkliflə razılaşdıqdan sonra qarşı tərəfin əlaqəni tam kəsdiyi və telefonlara cavab vermədiyi vurğulanır.

Hazırda məsələ ilə bağlı rəsmi qurumlara müraciət edilib-edilmədiyi tam aydın olmasa da, zərərçəkmişlər vəziyyətin kritik həddə çatdığını bildirirlər. Onlardan biri artıq intihar həddinə çatdığını qeyd edərək aidiyyəti qurumlardan təcili müdaxilə gözlədiyini deyir.

Mövzu ilə bağlı qarşı tərəfin mövqeyini öyrənmək cəhdlərimiz hələlik nəticə verməyib. Adı hallanan şəxslərin açıqlaması olduğu təqdirdə, onu da dərc etməyə hazırıq.

Araşdırma davam edir.