Bakı şəhərində yaşayan bir ailə ağır xəstə övladlarının müalicəsini davam etdirmək üçün ictimaiyyətə müraciət edib.

Ana, Yusifova Pəri Natiq qızı bildirir ki, oğlu Yusifli Camal Yasin oğlu doğuş zamanı travma alıb və nəticədə beyninə qan sızıb. Bu ağır fəsadlardan sonra uşağa həkimlər tərəfindən serebral iflicin ən ağır dərəcəsi diaqnozu qoyulub.

Valideynin sözlərinə görə, azyaşlı nə otura, nə yeriyə, nə də danışa bilir. Onun görmə qabiliyyəti yoxdur, eşitmə qabiliyyəti isə ciddi şəkildə məhdudlaşıb. Uşaq həmçinin epilepsiyadan əziyyət çəkir və mütəmadi qıcolmalar keçirir.

Ana qeyd edir ki, övladı hər ay müalicələr, masaj və reabilitasiya prosedurlarına cəlb olunmalıdır. Həkimlər tərəfindən uşağın bədənindəki gərginliyi azaltmaq üçün botoks inyeksiyası tətbiq edilir. Lakin bu müalicə dövlət tərəfindən qarşılanmır və hər inyeksiyanın qiyməti 1200 manat təşkil edir.

Bundan əlavə, uşağın ayağa qalxması üçün xüsusi ortopedik protez hazırlanıb. Ailə bu protezi borc və şəxsi vəsait hesabına, 1500 manata əldə edib. Hazırda isə uşağın vəziyyətinin nisbətən yaxşılaşması üçün mütləq şəkildə masaj və fiziki məşqlərə başlanması vacibdir.

Valideyn bildirir ki, bir günlük ev şəraitində keçirilən reabilitasiya məşğələlərinin qiyməti 20 manatdır və ailənin maddi imkanı bunu qarşılamağa kifayət etmir:

“Bir ana kimi hər kəsdən xahiş edirəm, balamın müalicəsi dayanmasın. Müalicə dayanan kimi vəziyyəti pisləşir, qıcolmaları artır. İmkanlı şəxslərdən gücləri çatan qədər dəstək istəyirəm.”

Ailə bildirir ki, istənilən şəxs uşağın vəziyyəti ilə tanış ola, tibbi sənədlərə və ödəniş qəbzlərinə baxa, həmçinin həkimlə əlaqə saxlayaraq məlumat əldə edə bilər.

Dəstək olmaq istəyənlər ailə ilə əlaqə saxlaya bilərlər:
📞 055 661 37 81 (WhatsApp aktivdir)

Bank rekviziti:
💳 4169 7388 5291 6208 (Kapital Bank)

Qeyd: Yardım etmək istəyən vətəndaşlara ödəniş etməzdən əvvəl ailə ilə əlaqə saxlayaraq məlumatları dəqiqləşdirmələri tövsiyə olunur.