Paytaxtın Yasamal rayonunu qanunsuz tikintilər meydanına çevirən, yaşıllıqları həmin tikintilərə qurban verən rayon icra hakimiyəti bu dəfə vətəndaşın evini əlindən almağa çalışır.

Bu barədə Məmmədov Qönçə Həbib qızının sosial mediyaya etdiyi şikayətində deyib.

Yeni Yasamal-1, ev 12, mənzil 196-da ev sahibi olan Məmmədli Qönçə Həbib qızı bildirib ki, "icra hakimiyyəti Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsi ilə əlbir olub orderlə adıma olan evim əlimdən alır. Mən dəfələrlə bu barədə bütün dövlət qrumlarına eləcə də RİHB-na müraciət etsəm də dərdinə məlhəm olan tapılmayıb."

Şikayətçi vəziyyətin belə olduğu halda Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsin yenidən çıxarış alması üçün BAKI İNZİBATİ MƏHKƏMƏSİNƏ müraciət etdiyin bildirib. Məhkəmə Qönçə xanımın qaldırdğı əmlakı ilə bağlı iddianı təmin edib və şikayətçinin daşınmaz əmlaki üzərində olan haqqını tanıyıb.Amma, icra hakimiyyəti yenə də evin onun olmasını qəbul etməyib. Bildirib ki, Qönçə xanıma evlə bağlı verilən orderin heç bir hüquqi əsası yoxdur...Biçarə durumda qalan Məmmədov Qönçə Həbib qızı Prezident İlham Əliyevdən və xanımı Mehriban Əliyevadan kömək istəyir. Yasamal rayonunda baş alıb gedən qanunsuzluqlara və özbaşınalıqlara yol açan Əli Həsənovun qohumu rayon icra hakimiyyətinin başçısı Elşad Həsənovun fəaliyyətinin araşdırılmasını onunla bağlı ciddi tədbirlərin görülməsini öz nəzarətəinə götürməsini prezidentən xahiş edir.

SÖZ ARDI: Ümumiyyətlə, Yasamal İH-nin “qanun” sözündən istifadə etməsi çox qəribə səslənir. Elşad Həsənov icra başçısı təyin olunduqdan sonra rayon iri addımlarla geriləyib. Burada özbaşına tikintilər və qurğular da çox artıb. İmkanlı şəxslər icra başçısını “sevindirib” ağıllarına gələn əraziləri alıb tikir. Amma buna görə İH-ə şikayət etsəniz, o cür qurğuları və tikililəri sökməyəcəklər, əvəzində “kompromis” variantlar təklif edəcəklər. Çünki alacaqlar alınıb, verəcəklər də çoxdan verilib. //tehsil.media/