YAP-ın Nəsimi rayon təşkilatında təlimçi kimi çalışan Səfərli Mətanət Əli qızının zərərçəkmiş qismində tanındığı cinayət işi baxılması üçün Nizami Rayon Məhkəməsinə göndərilib. BakuNews.az xəbər portalının məlumatına görə, Cinayət Məcəlləsinin 178.2.4 (xeyli miqdarda dələduzluq etmə) maddəsi ilə təqsirləndirilən Fərruxlu Mehriban Yolçu qızının məhkəmə prosesinin hazırlıq iclası aprel ayının 2-də hakim Mətanət Hacıyevanın sədrliyi ilə keçiriləcək.
Xatırladaq ki, ötən ilin ortalarında Mətanət Səfərli yaxın qohumunu Odlar Yurdu Universitetinə rüşvət müqabilində düzəltmək şərti ilə Mehriban Fərruxlu adlı xanıma 15 min ABŞ dolları pul verib. Mehriban Fərruxlu isə bu işi rektorun köməkçisi vasitəsilə düzəldəcəyinə söz verib. Ancaq Mətanət xanımın qohumu universitetə daxil olmayıb, həmçinin xanım pulunuda geri ala bilməyib. Bundan sonra Mətanət Səfərlinin rüşvət kimi verdiyi pul geri qayıtmadığı üçün o, Baş prokuror yanında Korrupsiyaya qarşı Mübarizə Baş idarəsinə şikayət edib. Material isə aidiyyatı üzrə baxılması üçün Nizami Rayon Polis İdarəsinə göndərilib və faktla bağlı 178.2.4-cü maddə ilə cinayət işi başlanıb. Qeyd edək ki, təqsirləındirilən Mehriban Fərruxlunun himayəsində bir neçə azyaşlı övladı olduğu üçün ibtidai istintaq müddətində onun barəsində polis nəzarəti altına vermə qətimkan tədbiri seçilib.

(Səfərli Mətanət Əli qızı )

Onu da bildirək ki, Odlar Yurdu Universitetinin rektoru Əhməd Əhmədzadə ilə Mehriban Fərruxlu həmyerli, yəni hər ikisi Qazax rayonundandılar.
Mətanət Səfərli isə keçmiş millət vəkili mərhum Mais Səfərlinin həyat yoldaşıdır.
(Fərruxlu Mehriban Yolçu qızı) FOTO GECƏ KLUBUNDA ÇƏKİLİB

Qeyd edək ki, Fərruxlu Mehriban Yolçu qızının barəsində şikayətlər tükənmək bilmir. Sosial şəbəkələrdə 80 yaşlı qadının müsahibəsində onu hansı yollarla aldatması ilə bağlı çıxışıda buna subutdur.