Son zamanlar Azərpoçtun 122 saylı filialında vətəndaşların xaricdən sifariş etdiyi bağlamalarına görə qanunsuz gömrük rüsumlarının tələb edilməsi ilə bağlı şikayətlər gündəmə gəlib. Xüsusilə bu filialda işləyən Yeganə adlı əməkdaşın vətəndaşlardan qanunsuz ödəniş tələb etdiyi iddiaları geniş müzakirələrə səbəb olub.

Şikayətlər nədən ibarətdir?

Vətəndaşların sözlərinə görə, xaricdən sifariş edilən bağlamalar Azərpoçtun bu filialına çatdırıldıqda, qanunla müəyyən edilmiş rüsumlardan əlavə, qanunsuz ödənişlər tələb olunur. Şikayətçilər bildirir ki, bu tələblər adətən bağlamaların verilməsində süni gecikmələr və əlavə problemlər yaradılacağı ilə "xəbərdarlıq" şəklində edilir.

Hüquqi vəziyyət

Azərbaycanda gömrük rüsumları yalnız qanunvericiliyə əsasən müəyyən edilir. Fiziki şəxslərin xaricdən sifariş etdiyi mallar üçün gömrük rüsumu müəyyən bir həddi aşdığı hallarda tətbiq edilir. Əgər hədd daxilindəki bağlamalar üçün əlavə ödənişlər tələb olunursa, bu, qanunsuzdur.

Necə hərəkət etməli?

Əgər vətəndaşlar belə bir vəziyyətlə qarşılaşırsa, aşağıdakı addımları atmalıdır:

1. Qanuni əsası sorğulayın: Gömrük rüsumu tələb edilirsə, onun qanuni əsasını və rəsmi sənədləri tələb edin.
2. Şikayət edin:

Azərpoçt rəhbərliyinə: Şikayətlərinizi yazılı formada Azərpoçtun baş ofisinə və ya onların müştəri xidmətlərinə təqdim edin.
Dövlət Gömrük Komitəsinə: Qanunsuz rüsum tələbləri ilə bağlı Dövlət Gömrük Komitəsinə şikayət edə bilərsiniz.
Antikorrupsiya İdarəsinə: Bu tip halların korrupsiya xarakteri daşıması ehtimalına görə Baş Prokurorluq yanında Korrupsiyaya qarşı Mübarizə İdarəsinə müraciət etmək də mümkündür.


Nəticə

Vətəndaşların hüquqlarının pozulması ilə bağlı məlumatlar ciddi araşdırılmalı və bu hallar təsdiqlənərsə, məsuliyyətli şəxslər barədə müvafiq tədbirlər görülməlidir. Azərpoçt və aidiyyəti qurumlar bu məsələlərə xüsusi diqqət yetirməli və vətəndaşların etimadını bərpa etmək üçün şəffaflıq təmin etməlidir.

Bu tip hadisələrin qarşısını almaq üçün vətəndaşlar aktiv olmalı, hüquqlarını müdafiə etməli və qanunsuz tələblərlə barışmamalıdırlar.

Məsələ ilə bağlı Rəqəmsal İnkişaf və Nəqliyyat Nazirliyinə verdiyimiz sorğu əsasında verilən cavabı olduğu kimi dərc edirik:

Hörmətli “Baku News” əməkdaşları,
“Azərpoçt” MMC-yə ünvanladığınız informasiya sorğusuna dair açıqlamanı təqdim edirik:
Qeyd edək ki, poçt şöbəsinin əməliyyatçısı tərəfindən vətəndaşa təqdim olunan 11 ədəd kiçik paket universal poçt göndərişləri kateqoriyasına daxildir və mövcud qaydalara əsasən mal tərkibli göndərişlər vətəndaşa açıq şəkildə təqdim edilməlidir.
Poçt rabitəsi xidmətlərinin göstərilməsi Qaydalarının 9.46. maddəsinə əsasən, alıcı “Siyahı ilə” qeydi ilə daxil olan poçt göndərişinin açılmasından imtina etdikdə göndərişin yalnız çəkisi yoxlanılmaqla poçt göndərişi ona “Açılmadan imtina etdi” qeydi edilməklə verilir. Bu halda göndərişə dair sonrakı pretenziya qəbul olunmur. Vətəndaş açılmasından imtina edərsə, müvafiq F22 sənədinə göndərişi bağlı şəkildə qəbul etdiyinə dair imza atmalıdır.
Vətəndaşdan qeyri-qanuni əlavə ödəniş alınması ilə bağlı qaldırdığınız iddiaya cavab olaraq isə bildiririk ki, “Poçt haqqında” qanunun 1.15-ci maddəsi və 305 saylı qərarın isə 3.12 bəndinə əsasən, ölkəyə daxil olan və ölkədən çıxan hər bir gömrüklü poçt göndərişi çəkisindən, dəyərindən və ona gömrük rüsumunun tətbiq olunub-olunmamasından asılı olmayaraq beynəlxalq poçt işləmələri mərkəzində gömrük nəzarətindən keçirilir.
Poçt göndərişi alıcıya verilərkən ondan tutulan məbləğ də məhz gömrüklü poçt göndərişinin gömrük orqanının nəzarətinə təqdim edilməsi ilə bağlı poçt işçisinin yerinə yetirdiyi işin haqqıdır.
Gömrüklü poçt göndərişlərinə əşya və ya mal tərkibli CN22 gömrük yarlığı ilə müşayiət olunan çəkisi 2 kq-dək beynəlxalq kiçik paketlər və CN23 gömrük bəyannaməsi ilə müşayiət olunan çəkisi 30 kq-dək beynəlxalq bağlamalar aid edilir.
“Azərpoçt” MMC-nin qüvvədə olan tariflərinə əsasən, beynəlxalq poçt göndərişlərinin gömrük nəzarətinə təqdim edilməsinə görə poçt şöbələrində alınan xidmət haqları çəkisindən və dəyərindən asılı olmayaraq daxil olan beynəlxalq kiçik paketin hər biri üçün 1,40 manat və daxil olan beynəlxalq bağlamanın hər biri üçün 2,00 manat məbləğində müəyyən edilib.
Tam tarif paketi barədə ətraflı məlumatı “Azərpoçt” MMC-nin rəsmi veb-səhifəsindən linkə keçid edərək (www.azerpost.az/az/page/post-services) Poçt rabitəsi xidmətləri üçün Tariflər sənədini yükləməklə əldə etmək də mümkündür.
Sözügedən tariflər tarif paketinin “Digər poçt xidmətləri üçün tariflər” hissəsində (II hissə) “Poçt göndərişlərinə dair özəl və əlavə xidmətlər üçün tariflər” bölməsinin (4-cü bölmə) “Beynəlxalq poçt göndərişinin gömrük nəzarətinə təqdim edilməsi” maddəsinin (9-cu maddə) 9.2-ci bəndinin 9.2.1 və 9.2.2 yarımbəndlərində öz əksini tapıb.
Sonda onu da qeyd edək ki, bu məsələ ilə bağlı vətəndaş tərəfindən bizə heç bir şikayət daxil olmayıb, eyni zamanda tərəfimizdən göstərilən bütün xidmətlər üzrə qəbzlər vətəndaşa təqdim olunub.

Haşiyə:
Qeyd edək ki, Azərpoçt 122 saylı filiallının müdirəsi Yeganə xanım hər bağlama üçün 1.20 qəpik alındığını rəsmi Dövlət Gömrük rüsumuna görə olduğunu bildirmişdir. Lakin rəsmi cavabda bunun 1.40 qəoik olduğu açıqlandı. Yeganə xanımın 18.10 qəpik aldığı vəsait hər iki tərəfin açıqlaması ilə ziddiyyət təşkil edir. Yeganə xanımın fikri ilə 13.20 qəpik təşkil edən vəsait rəsmi qurumun verdiyi açıqlama əsasında isə 15.40 qəpik təşkil etməkdədir. güman edirk ki kiçik olan bu rəqəmlərdən cəmdə hansı böyük vəsaitin alındığını rəmi dairələrdə araşdırması aparılacaqdır.