Ermənistanın təslim olması və Üçtərəfli Sazişin imzalanması ilə başa çatan İkinci Qarabağ müharibəsindən sonra İrəvan silahlı qüvvələrini Rusiya sülhməramlılarının nəzarətində olan ərazilərdən çıxarmaq öhdəliyini öz üzərinə götürdü. Razlaşmaya görə, sülhməramlılar qeyri-qanuni silahlı erməni quldur dəstələrinin tərksilahını təmin etməli idilər. İyulun ortalarında Təhlükəsizlik Şurasının katibi Armen Qriqoryan açıq şəkildə bəyan etdi ki, Ermənistan ordusu Qarabağ ərazisini tamamilə tərk edəcək və bununla da, nəhayət, Azərbaycan ərazilərinin otuz illik işğalına son qoyulacaq. Eyni zamanda, Qriqoryan Qarabağ separatçılarının qüvvələrinin Qarabağda qalacağını qeyd edib.

Ermənistan tərəfi, həmçinin, uzun illər ərzində Ermənistanı Qarabağa birləşdirən Laçın dəhlizini Azərbaycana verərək, Laçın şəhəri və Zabux kəndində qanunsuz məskunlaşan Yaxın Şərq ermənilərinin köçürülməsini təmin etməli idi. Bildiyiniz kimi, bunun əvəzinə Bakı alternativ yol çəkdi. Bununla belə, avqustun əvvəlində regionda 44 günlük müharibənin bitməsindən sonra ən böyük münaqişə eskalasiyası yaşanıb. Ermənistanın qanunsuz silahlı birləşmələri Laçın istiqamətində Azərbaycan ordusunun mövqelərini intensiv atəşə tutub. Nəticədə Azərbaycan hərbi qulluqçusu Anar Kazımov həlak olub. Buna cavab olaraq Azərbaycan "Qisas" antiterror əməliyyatına başlayıb və bu əməliyyat zamanı Qarabağdakı erməni silahlıları ciddi itki verib. Azərbaycan ordusu Qırxqız yüksəkliyini nəzarətə götürdü, hakim olan Sarıbaba və bir sıra başqa yüksəkliklərə nəzarət quruldu. Əməliyyat çərçivəsində erməni qeyri-qanuni silahlı birləşmələrinin bir neçə döyüş mövqeləri məhv edilib, canlı qüvvə, bir neçə D-30 haubitsaları, hərbi maşınlar və xeyli sayda döyüş sursatı məhv edilib və yaralanıb.

Azərbaycan ordusunun sərt cavabı qızğın erməni başlarını soyutdu. Laçın dəhlizinin azad edilməsi prosesi davam etdi və Qarabağdakı ermənilər nəhayət ki, Azərbaycanın tərkibində yaşamaq perspektivi ilə barışmalı olacaqlarını anladılar.

Ötən gecə erməni mənbələri Azərbaycandan daha bir tələbin icrasına başlandığını açıqlayıb. Ermənilər Qarabağdan artilleriya qurğularını geri çəkirlər. Sentyabrın sonuna kimi Qarabağda ağır silahlar qalmamalıdır. Bədnam "Qarabağ Müdafiə Ordusu" xalq milisinə bənzər "milli qvardiya"ya çevrilir. Nəzərə alınmalıdır ki, bu yalnız müvəqqəti həlldir. Azərbaycan açıq şəkildə bildirib ki, Qarabağdakı ermənilərin statusu olmayacaq və buna uyğun olaraq "qvardiya" da ola bilməz. Qarabağdakı erməni "qvardiyaçılarının" Azərbaycan vətəndaşlığını götürüb Azərbaycan polisinin geyiminə keçəcəkləri gün uzaqda deyil.

bakunews.az