Amerikalı fast food restoranları şəbəkəsi olan Hooters 2000-ci illərin əvvəllərində öz hava yolu şirkətinə sahib idi. O, Cənubi Karolina ştatının Myrtle Beach şəhərində yerləşirdi və ABŞ-ın 15 müxtəlif şəhərinə ucuz, birbaşa uçuşlar təklif edirdi. Onun özəlliyi ondadır ki, biletlər sabit qiymətə idi – bir tərəfə 129 dollar.


Bundan əlavə, təyyarədə xüsusi təlim keçmiş stüardessalar olmayıb. Əvəzində sərnişinləri yaxınlıqdakı “Hooters” restoranının ofisiantları müşayiət edirdi. Onlar yeməklə içki çatdırmırdılar və kabinənin qapılarını açmırdılar, sadəcə olaraq sərnişinləri əyləndirirdilər.

Smokers Express, 1993-1993
1990-cı ildə ABŞ Federal Aviasiya İdarəsi (FAA) demək olar ki, bütün daxili reyslərdə siqaret çəkməyi qadağan etdi. Buna görə də məyus siqaret çəkənlərin dərhal parlaq bir fikirləri yarandı. 1992-ci ildə iki Florida iş adamı Smokers Express adlı aviaşirkət yaratdılar.

Bu şirkətin təyyarələrində siqaret çəkməyin mümkün olacağı güman edilirdi. Bundan əlavə, təyyarələrdə pulsuz qulaqlıqlar, qəzetlər və “insanlar üçün əsl yemək” verilməli idi: biftek, hamburger, sendviç və pizza.

Amma bu aviaşirkətin bir təyyarəsi də havaya qalxmadı. Məsələ onda idi ki, bu aviaşirkət üzvlük əsasında qurulmalı idi. Yəni adambaşına illik 25 dollar üzvlük haqqı ilə dəstəklənməli idi. Geniş reklam kampaniyası aparılsa da, ilk uçuş üçün lazım olan pul yığılmadı.

Casino Express Airlines, 1989-2005
Casino Express Smokers Express-ə bir qədər bənzəyirdi, lakin onu fərqli edən onun uğurlu olması idi.

Casino Express Hava Yolları Elko ilə Portland, Oreqon, Seattle, Santa Fe və El Paso kimi yaxınlıqdakı şəhərlər arasında fasiləsiz uçuşlar həyata keçirirdi. Onun təyyarələri eksklüziv olaraq Nevada ştatının Elko şəhərindəki Red Lion Hotel və Casinoya uçurdu.

Uçuşlar çox ucuz idi və şirkət kazino ziyarətçilərinə xüsusi endirimlər edirdi. Lakin zaman keçdikcə mənfəət azalmağa başladı və Casino Express başqa bir şirkətə – Xtra Airways-ə satıldı.

Pet Airways, 2009-2011
Pet Airways 2009-cu ildə fəaliyyətə başlayıb. Bu, yalnız ev heyvanlarını xüsusi təchiz olunmuş əsas kabinlərdə (yük anbarında deyil) daşıyan ilk aviaşirkət idi. Amma artıq 2011-ci ildə itkilərə görə bağlanıb.

Vietjet Air, 2011
Vietjet Air bu gün də fəaliyyət göstərən bir aviaşirkətdir. 2007-ci ildə təsis edilib və ilk uçuşu 2011-ci ildə baş tutub. İlk açıldığında, Vyetnamda daxili uçuşlar təklif edən ikinci özəl aviaşirkət olmuşdur. O, təxribatçı bikinili stüardessa reklamı ilə bütün dünyada manşetlərə səbəb olub.

Qalmaqalın yaranmasına baxmayaraq, zamanla şirkətin işi çox yaxşı getdi. Söhbət çılpaq stüardessalardan getmir (uçuşlarda normal paltar geyinirlər). Aşağı qiymətlər və yaxşı xidmət sayəsində şirkət müştərilərini artırmaqdadır.