Azərbaycan və BƏT arasında 2026-ci ilə qədər davam edəcək proqram hazırlanıb

Layiqli Əmək üzrə Ölkə Proqramının əsas istiqamətləri müəyyən olundu. Proqram Azərbaycan ilə Beynəlxalq Əmək Təşkilatı tərəfindən birgə hazırlanıb.2026-cı ilə qədər davam edəcək proqram beynəlxalq gündəliyə uyğun fundamental əmək hüquqları və prinsiplərinin təminatında yeni təşəbbüsləri nəzərdə tutur.

Əmək və əhalinin sosial müdafiəsi naziri Sahil Babayev Azərbaycanda əhalinin sosial müdafiəsinin gücləndirilməsinə yönəlmiş siyasətin BMT-nin 2030-cu ilədək Dayanıqlı İnkişaf üzrə Gündəliyinə tam uyğun olduğunu bildirdi. Nazir Ölkəmizdə son üç il ərzində 4 milyon nəfəri əhatə edən, əlavə illik maliyyə dəyəri 6 milyard manat olan 3 sosial islahat paketinin həyata keçirildiyini vurğuladı. Sahil Babayevin sözlərinə görə, sosial sahədə tətbiq olunan innovativ nailiyyətlər nəticəsində nazirlik üzrə 173 sosial xidmətdən 110-nu e-platformadan, 48-i proaktiv qaydada təqdim edilib, 388 min nəfərə e-qaydada sosial ödəniş təyin olunub.

Nazir onu da diqqətə çatdırdı ki, Həm BMT ilə birgə həyata keçiriləcək layihələrdə, həm də dövlət vəsaiti hesabına gənclərə xüsusi yer ayırılıb. Hazırda Əmək bazarında peşə və orta ixtisas təhsilli şəxslərə ehtiyac var.

Çıxış edənlər Layiqli əməyin - məhsuldar əməyə nail olunması, sabit, təhlükəsiz, keyfiyyətli iş yerlərinin yaradılması, işçi qüvvəsinin keyfiyyətinin artırılması, sosial dialoqun daha da gücləndirilməsi demək olduğunu qeyd etdilər.

Bildirdi ki, proqram Əhalinin, xüsusilə də həssas kateqoriyadan olan şəxslərin səmərəli məşğulluğunun təmin edilməsində sosial məsuliyyəti və vətəndaş cəmiyyətinin iştirakını artıracaq, Beynəlxalq Əmək Təşkilatı ilə Azərbaycan arasında əməkdaşlığı daha da möhkəmləndirəcək.

Qeyd edək ki, yeni ölkə proqramı layiqli əmək sahəsində mühüm hədəflərə doğru yeni irəliləyişləri təmin edəcək.

REAL