Dörd tərəfi su ilə örtülmüş bu ərazi nə adadır, nə yarmada.. Bura paytaxtın Sabunçu rayonu Zabrat qəsəbəsi Əfqan Nəsirov küçəsidir.

Xalq-ın xəbərinə görə, sakinlər deyirlər ki, ilin bütün fəsillərində qrunt sularının məngənəsində olan bu küçədən nə keçmək mümkündür, nə yaşamaq. Üstəlik, yaxınlıqda məktəb və bağça da yerləşir.

İri Şəhərlərin Birləşmiş Su Təchizatı Xidmətindən bildirldi ki, sözügedən ünvanda tullantı su xətləri əhali tərəfindən primitiv üsulla çəkilib. Bu səbəbdən yağıntılı vaxtlarda suyun ətrafa yığılması müşahidə edilə bilir. Məsələ ilə bağlı müvafiq rayon sukanal idarəsinə verilib. Əraziyə briqada cəlb ediləcək.

Sabunçu Rayon İcra Hakimiyyətindən isə bildirldi ki, Zabrat qəsəbəsinin Əfqan Nəsirov küçəsində kanalizasiya şəbəkəsi olmadığından payız-qış aylarında güclü yağıntılar zamanı bəzi çökək hissələrdə yağış sularının yığılması halları baş verir. Bu şəbəkənin qurulması aidiyyəti üzrə Azərbaycan Dövlət Su Ehtiyatları Agentliyi tərəfindən Dövlət Proqramları çərçivəsində icra olunacaq.(Xalq.online)

Xezerxeber.az mövzu ilə bağlı daha ətraflı videomaterialı təqdim edir.