Zelenski: Ukrayna NATO-nun Ankaradakı sammitindən ciddi nəticələr gözləyir
Ukrayna NATO-nun Ankaradakı sammitindən ciddi və konkret nəticələr gözləyir.
Bu barədə Ukrayna Prezidenti Volodimir Zelenski teleqram kanalında yazıb.
"Qarşıda Ankarada mühüm işlər var. Biz ciddi və məhsuldar NATO sammiti gözləyirik. Hazırda xalqımızın daha etibarlı müdafiəsini təmin edəcək, müdafiə imkanlarımızı genişləndirəcək, həmçinin Ukrayna, Avropa və Amerika arasında təhlükəsizlik sahəsində əməkdaşlığı daha da gücləndirəcək qərarlara ehtiyac var", – Zelenski bildirib.
Prezident həmçinin qeyd edib ki, forum çərçivəsində onun liderlərlə 20-yə yaxın ikitərəfli görüşü planlaşdırılıb.
"Biz Ukraynanın HHM-nin gücləndirilməsi üzərində davamlı olaraq işləyəcəyik. Yeni sistemlər, onlar üçün raketlər, istehsal lisenziyaları məsələləri – bütün bunlar bizim prioritetimizdir. Ukraynaya real addımlarla kömək edən hər kəsə minnətdarıq", – o qeyd edib.
Qeyd edək ki, Zelenski artıq iyulun 7-8-də NATO sammitinin keçirildiyi Ankaradadır.
Əlaqə whatsapp:+994 70 402 02 85
BakuNews.az
