"Qeyd-Sosial Maarifləndirmə" İctimai Birliyinin "Gənclərin inkişafı" layihəsi çərçivəsində zoom proqramı vasitəsilə onlayn görüş keçirilib.

Qeyd edək ki, "Gəncliyin inkişafı" layihəsinin budəfəki qonağı Azərbaycan Respublikasının Milli Məclisinin deputatı Aydın Hüseynov olub.

Görüş "Qeyd-Sosial Maarifləndirmə" İctimai Birliyinin" icraçı direktoru Elnurə Cəfərzadənin tədbir iştirakçılarını salamlayıb, layihə çərçivəsində keçirilən tədbirlərin bütün ölkə gənclərinin inkişafı və onların cəmiyyətdə layiqli vətəndaş kimi formalaşması üçün mühüm rol oynadığını vurğulaması ilə başlayıb.

Daha sonra Aydın Hüseynov ilkin olaraq tədbir iştirakçılarını salamlayaraq gənclərlə təşkil olunan bu görüşün necə səmərəli olduğunu bildirib.
Çıxışında Aydın Hüseynov müasir gəncliyimizin müsbət keyfiyyətlərini, Qarabağ müharibəsindəki əzmini və ölkənin ictimai, sosial və siyasi sahədəki aktivliyini qeyd edib.

Aydın Hüseynov sonda tədbir iştirakçılarını maraqlandıran sualları cavablandırb.

Fərid Şərifov
Ulutv.İnfo