26 ildir Dövlət İmtahan Mərkəzinin (DİM) İdarə Heyətinin sədri olan Məleykə Abbaszadənin vəzifədən uzaqlaşdırılması gözlənilir.

Bizimesr.com-un əldə etdiyi məlumata görə, 73 yaşlı Məleykə Abbaszadənin bu ilin yanvar ayında vəzifəsindən ayrılması nəzərdə tutulubmuş. Lakin ali və orta ixtisas təhsili müəssisələrinə qəbul imtahanlarının keçirilməsi, eləcə də digər təşkilati səbəblər nəzərə alınaraq bu qərarın icrası saxlanılıb.

Məlumata əsasən, qəbul prosesi başa çatdıqdan sonra DİM rəhbərliyi ilə bağlı dəyişiklik məsələsinə yenidən baxılma bilər.

Bildirilir ki, hazırda Məleykə Abbaszadənin yerinə kimin təyin olunacağı ilə bağlı yekun qərar verilməyib. Bu istiqamətdə müxtəlif namizədlərin müzakirə olunduğu iddia edilsə də, hələlik hər hansı rəsmi məlumat açıqlanmır.

Qeyd edək ki, Məleykə Abbaszadə uzun illərdir ölkədə qəbul sisteminə rəhbərlik edən əsas simalardan biridir və DİM-ə 26 ilə yaxındır rəhbərlik edir.

Bizimesr.com