"Mənim şikayətim "Mega Sığorta" şirkəti və ölkənin "as" bankı - Mərkəzi Bankdandır". "Dia.az" xəbər verir ki, bu barədə "Müştəriyəm Şikayətim Var" sosial qrupundakı paylaşımında Fariz Cəfərov adlı istifadəçi giley edir.

Narazı vətəndaş daha sonra bildirir: "Mənzilimdə 62 gün əvvəl sığorta hadisəsi baş verib. "Mega Sığorta" dəyən zərəri 50%-dən də aşağı qiymətləndirib. Lap yaxşı qiymətləndirsin. Müstəqil ekspert seçmək istəyirəm Mərkəzi Bankın saytında kişinin oğlanları yekə bir siyahı qoyub.

Hansını seçirəmsə, "Mega Sığorta" deyir, yox ee o fəaliyyət göstərmir... başqasını seç. Zəng edirəm Mərkəzi Bankın qaynar xəttinə çox normal formada deyirlər ki, həə... ola bilər ki, biz o siyahıda göstərək amma onlar fəaliyyət göstərməsin.

Artıq bilmirəm müstəqil eksperti hansı qonşu dövlətin saytından seçim ki, həm fəaliyyət göstərsin həm də "Mega sığorta"ya sərf eləsin ki, onu qəbul eləsin.

Sonra utanmaz-utanmaz deyirlər ki, evi sığorta etməyənlər İXM-ə uyğun cərimələnəcək.

A kişi, get bir sığorta sistemivi düzəlt sonra camaatı cərimə elə. Sığortaya hər il əlimizlə verdiyimizi qolumuzla ala bilmirik axı..."

Dia.az