Məcnun Məmmədovun Kənd Təsərrüfatı Naziri təyin edilməsindən 1 il 4 ay keçməsinə baxmayaraq, hələdə bu qurumda ciddi islahatlar aparmayıb. Ancaq son aylar KTN-də islahatların aparılması ilə bağlı məlumatlara ölkə mətbuatında tez-tez rast gəlmək olur.

Qlobal.az-ın əldə etdiyi məlumata görə Kənd Təsərrüfatı Nazirliyində işdən çıxarılacaq şəxlər arasında ilk sırada dayananlardan biridə "Heyvandarlığın təşkili və monitorinqi” şöbəsinin müdiri Bayandur Rzayevdir. Məlumata görə işğaldan azad olunmuş ərazilərdə Bayandur Rzayevin müəyyən gizli əməllərinin üstü nazirliyin Daxili nəzarət və audit şöbəsi tərəfindən açılıb."Heyvandarlığın təşkili və monitorinqi” şöbəsi müdirinin əməlləri barədə KTN rəhbərliyi məlumatlandırılıb. Bildirilir ki, işdən çıxarılacağı məlumatı əldə edən Bayandur Rzayev nazir müxtəlif kanallar vasitəsilə nazir Məcnur Məmmədova təsir etmək istəyir.

Qeyd edək ki, Bayandur Rzayev KTN-də Dövlət Baytarlıq Xidmətinin rəisi, daha Aqrar Xidmətlər Agentliyinin sədr müavini vəzifəsində işləyib. Şöbə müdirinin qardaşı Elnur Rzayev isə hazırda Xaçmaz rayonunun icra başçısıdır.

Qarşı tərəfin mövqeyini verməyə hazırıq.