"Quseynoff" MMC-nin dövlətə külli miqdarda vergi borcu üzə çıxıb.

32gun.az xəbər verir ki, şirkətin dövlətə olan vergi borcu 150 min manatdan çoxdur. (152492.12 AZN)

Bildirək ki, nizamnamə kapitalı 20 AZN olan Quseynoff" MMC-nin qanuni təmsilçisi, sahibi Emin Hüseynov Zahid oğludur.

Qeyd edək ki, yerli mediada gedən məlumatlara görə, E.Hüseynov sosial şəbəkədə "Baboş” ləqəbi ilə tanınan Babək Cabbarovun yaşadığı Bərdə rayonuna getmişdi.

Baboşun milyonçu dəstəkçisi kimi adı qeyd edilən Emin Hüseynov “TikTok”da “Quseynoff_009” ləqəbi ilə tanınır.

Emin Hüseynovun bahalı “Gelandewagen” maşını ilə onun evinə getməsi demək olar gündəmi və sosial şəbəkələri zəbt etmişdi.

Həmin şəxs Göygöl şəhəridə yerləşən “Quseynoff vodka” Məhdud Məsuliyyətli Cəmiyyətlərinin rəhbəridir.

Yerli mediada gedən məlumatlara görə, onun barəsində Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin bir neçə ittihamı ilə cinayət işi başlanılıb. Məlumatda qeyd edilib ki, elə həmin vaxt Satış obyektində aparılmış axtarışlarla sözügedən müəssisəyə məxsus külli miqdarlarda keyfiyyətsiz spirtli içki məhsulları və saxta aksiz markaları aşkarlanaraq maddi sübut qismində götürülüb. Həmçinin məlumatda bildirilir ku, onun barəsində bir neçə ay bundan öncədə Gəncə şəhərində dostu ilə birlikdə şəhər sakininin üzərinə hucum edərək ona müxtəlif dərəcəli bədən xəsarətləri yetiriblər, buna görə də Cinayət Məcəlləsinin 221.2.1 ittihamı ilə məhkum olunublar.

32gun.az qeyd edir ki, Emin Hüseynov aktiv olaraq istifadə etdiyi "Quseynoff_009" "tik tok" hesabında bazar qiyməti orta hesabla 1 milyon manat olan "Mercedes-Benz GL Serisi" markalı avtomobilini də reklam etməkdən çəkinməyib.