Saxta estetik həkimlər və lisenziyasız klinikalar: "HAİR AVENUE-nin toxunulmazlığı nədən irəli gəlir?"
Son günlər ölkədə saxta estetik həkimlər, kosmetoloqlar və onların fəaliyyət göstərdiyi lisenziyasız klinikalarla bağlı ciddi narahatlıqlar yaranıb. İnsan sağlamlığını təhlükəyə atan bu şəxslər və müəssisələr aidiyyəti orqanlar tərəfindən araşdırılır.
Belə obyektlərdən biri də Zivər bəy Əhmədbəyov 14 ünvanında yerləşən HAİR AVENUE gözəllik salonudur. Bəli, düz eşitdiniz – gözəllik salonu.
Xüsusi TV-nin əldə etdiyi məlumata görə, bu salon yalnız saç kəsimi, saç rənglənməsi, makiyaj, manikür və pedikür xidmətləri göstərməklə kifayətlənmir. Eyni zamanda, tibbi masaj, lazer və kosmetoloji prosedurlar da təklif edilir.
Bu məqam ciddi suallar doğurur: Hər kəs bir salon açıb tibbi fəaliyyət göstərə bilərmi? Müvafiq lisenziyalar olmadan bu cür tibbi xidmətlərin həyata keçirilməsi qanunidirmi?
Bundan əlavə, özünü kosmetoloq kimi təqdim edən və fəaliyyəti ilə bağlı redaksiyamıza çoxsaylı şikayətlər daxil olan Mahmudov Bəhruz Zahir oğlu barədə də ciddi iddialar var.
Bütün bu qanunsuz hallarla bağlı Səhiyyə Nazirliyi hansı tədbirləri görür? İnsan sağlamlığını təhlükəyə atan bu kimi fəaliyyətlərə qarşı nəzarət niyə təmin olunmur?
Mövzunu diqqətdə saxlayacağıq.
Əlaqə whatsapp:+994 70 402 02 85
BakuNews.az
