Son 10 ildir ki, Ağdam rayonuna təyin olunan icra hakimiyyəti başçıları işə yeni başlayarkən sələflərindən fəfqli olaraq qurub-yaratmaq əzmilə iş fəaliyyəti sərgiləsələr də az keçmir ki, yarıtmazlıqları ilə daha çox gündəmə gəlirlər. Uzun müddətdir ki, Ağdam Rayon Icra Hakimiyyəti başçısının fəaliyyətini addımbaaddım izləməkdəyəm. Peşəmiz, fəaliyyət istiqamətimiz bunu tələb edir. Yəni, biz hüquq-mühafizə orqanlarından fərqli olaraq, izləmək dedikdə bunu texniki əməliyyat fəaliyyəti ilə deyil, müşahidələrlə etməyimiz kimi başadüşülməlidir…
Həmin apardığımız araşdırmalarımız zamanı diqqətimizi bu rayon vəzifəliləri arasında daha çox rayonun memari Əbdüləli Mehdiyev çəkdi. Adam sözün həqiqi mənasında oliqarx həyatı yaşayir…

Sitat,
Mehdiyev Abdüləli Hidayət oğlu Ağdam Rayon Icra Hakimiyyətində Arxitektura və Memarlıq Şöbəsinin müdiri və rayonun memarıdir. Rayonda aparılmış bütün yeni tikililərin necə bərbad vəziyyətdə olmasını bir kənara qoyaq, qısa olaraq onun digər fəaliyyətinə nəzər salaq;
– Rayonda tikinti- quruculuq, yol infrastrukturu memarın qohum-əqrabasının adına təsis etdiyi MMC-lər sənəd üzərində icra edir;
-Yerli sakinlərin pay torpaqları sıxışdırılıb əlindən alınaraq, memar özünə taxıl zəmiləri əkdirib və həmin torpaqların subsidiyalarını mənimsəyir(?);
-Ergi ərazisində atası Hidayət Mehdiyevin adına ferması, həmin ərazidə icarəyə verdiyi 70 ha torpaq sahəsi; -Quzanlı qəsəbəsində 3 yerdə villası..

Yuxarida qeyd etdiklərimizlə əlaqədar növbəti yazılarımızda geniş məlumat verəcəyik…

Yazı hazırlanan ərəfədə Rayon Icra Hakimiyyətindən adının çəkilməsini istəməyən mənbənin bildirməsinə görə, yaxın günlərdə Əbdüləli Mehdiyev yaş həddi 3 ildir ki,keçdiyinə görə müqavilə əsasında işləyən Icra Hakimiyyəti başçısının müavini olan 68 yaşlı Allahverən Əliyevi yaxın günlərdə Memar Əbdüləli Mehdiyevin əvəzləməsi nəzərdə tutulub.
Digər bir mənbənin sözlərinə görə isə Əbdüləli Mehdiyev müavin vəzifəsindən çox,icra başçısı olmağa,hətta buna görə özünün yaxın ətrafına dediyinə görə, başçı postuna namizəd kimi təqdim olunduğunu arxayınlıqla bildirməsi və bu təyinatı səbrsizliklə gözləməsi rayon icra başçısının yaxın günlərdə “vurulacağı” məntiqini ortaya qoyur. Hətta Ə.Mehdiyevin tez-tez PA-da Qiyas adlı bir şəxsin adını çəkərək,sağ olsun, Valeh müəllimlə yanaşı o da mənə dəstək olacaq, bildirməsi həmin məlumatın səhih olmasını qüvvətləndirir.

Mövzu diqqətimizdədir…

Elnur Vaqifoğlu