Video kadrlarla bəzi iddialar irəli sürülüb. Biləsuvar rayonunda yerləşən Mübariz İbrahimov adına Liseydə təhsil alan uşaqlara ayrılan yeməklərin satıldığı iddia olunur.

Məlumata görə, liseyin direktoru Aqşin Bağırov, dövlətin təhsil müəssisəsinə göndərdiyi qida yardımlarını uşaqlardan kəsərək, eyni binada fəaliyyət göstərən Biləsuvar Texniki Peşə Məktəbinə satır.

Porsiyanın qiymətinin 3–4 manat arasında olduğu iddia edilir. İddialara görə, dövlətin “uşaqlar ac qalmasın” prinsipi ilə ayırdığı qida yardımı, “peşə məktəbinin müəllimləri üçün nahar menyusu”na çevrilib.

Beləliklə, eyni binada yerləşən iki təhsil müəssisəsi arasında bir növ “yemək bazarı” formalaşıb: biri satır, digəri alır – dövlətin ayırdığı pay isə ortada əldən çıxır.

Tənqidçilər hesab edirlər ki, bu vəziyyət bəzi təhsil rəhbərlərinin məktəbi maarif ocağından çox maliyyə dövriyyəsi nöqtəsi kimi gördüyünü göstərir.
Əgər Mübariz İbrahimov kimi qəhrəmanın adını daşıyan liseydə belə hallar yaşanırsa, deməli, təhsildə təkcə dərsliklər deyil, vicdan da korlanıb.

Məsələ ilə bağlı açıqlama gecikmədən verilmişdir ki, həmin tədris ocağının rəhbəri tərəfindən verilən açıqlamanıda məhs olduğu kimi sizlərə təqdimç edirik.

İddialara cavab olaraq Mübariz Təhsil Kompleksinin direktoru Aqşin Bağırov Bakunews.az-a açıqlama verib. O, yayılan məlumatların reallığı əks etdirmədiyini, məsələni məqsədli şəkildə təhrif olunmuş formada təqdim etdiklərini bildirib.