KİV: Kiyev Tramp-Zelenski görüşündə israrlıdır
Ukrayna və ABŞ sülh sazişi ilə bağlı daim dialoq aparırlar, lakin növbəti danışıqlar raundunun keçiriləcəyi yer hələ müəyyənləşməyib.
Bu barədə RBK-Ukrayna məlumatlı mənbəyə istinadən xəbər verib.
Kiyev Ukrayna Prezidenti Vladimir Zelenski ilə ABŞ Prezidenti Donald Tramp arasında şəxsi təmasın vacibliyində israr edir. “Məşvərətlər görüşlər arasında da dayanmır... Onlar daim davam edir”, – deyə mənbə bildirib.
Mənbədən qeyd edilib ki, Ukrayna tərəfi Zelenski ilə Tramp arasında şəxsi görüşün vacibliyini vurğulayır, çünki məhz belə bir görüş ən yüksək siyasi səviyyədə atılacaq növbəti addımları müəyyən edə bilər.
“Ukrayna Prezidentinin ABŞ-dakı həmkarı ilə müzakirə etməsinin vacib olduğunu düşündüyü məsələlər var. Ümid edirik ki, bu mövqe eşidiləcək”, – deyə mənbə bildirib.
Mümkün sülh formulu üzrə danışıqlar davam edir və Kiyev liderlərin görüşü formatında yeni siyasi impuls gözləyir.
Əlaqə whatsapp:+994 70 402 02 85
BakuNews.az
