İqnalina Atom Elektrik Stansiyasında baş verən insidentlə bağlı Litva rəsmi cavab verib
Belarus Fövqəladə Hallar Nazirliyi sökülməkdə olan İqnalina Atom Elektrik Stansiyasının ərazisində baş verən insidentlə bağlı sorğuya Litva tərəfindən cavab alıb.
Bu barədə qurumun mətbuat xidməti Telegram kanalında məlumat yayıb.
Nazirliyin məlumatına görə, bildirişdə deyilib ki, radioaktiv tullantıların ilkin emalı kompleksinin havanın filtrasiya bloku daxilində qum-təmizləmə qurğusunda yanğın baş verib. Yanğın söndürülüb, xəsarət alan olmayıb, radioaktiv materialların xaricə sızması baş verməyib.
“Hadisə MAQATE-nin Beynəlxalq Nüvə və Radioloji Hadisələr Şkalasına görə ilkin olaraq şkaladan aşağı səviyyə kimi təsnif edilir. Xarici yardıma ehtiyac duyulmayıb,” – deyə mətbuat xidməti əlavə edib.
Qeyd edək ki, İqnalina AES-də yanğın çərşənbə axşamı baş verib və operativ şəkildə söndürülüb. Hadisə nəticəsində heç kim xəsarət almayıb. Belarus Xarici İşlər Nazirliyi isə Litva tərəfini baş verən hadisə ilə bağlı tam məlumatı dərhal təqdim etməyə çağırıb.
Əlaqə whatsapp:+994 70 402 02 85
BakuNews.az
