Ukrayna üçün 1000 ədəd PUA
Böyük Britaniya Kiyevə dəstək olan beynəlxalq koalisiyanın bir hissəsi kimi Ukraynaya 1000 PUA (pilotsuz uçuş aparatı) göndərməyi planlaşdırır.
Birləşmiş Krallıq zireh məhv edici döyüş sursatları ilə təchiz oluna bilən PUA-ların tədarükü üçün 300 min funt sterlinq dəyərində tender elan edib. Bildirilib ki, pilotsuz aparatlar pərvanələrinin ölçüsündən asılı olaraq müxtəlif yükləri daşımaq qabiliyyətinə malik olmalıdır.
Qeyd edək ki, Ukrayna Rusiyanın əsgər və atəş gücü üstünlüyünü dəf etmək üçün dəfələrlə dronlardan istifadə edib. Ukrayna tez-tez Çin istehsalı olan DJI Mavic kimi kommersiya dron məhsullarını dəyişdirərək, onlardan tank əleyhinə raketləri və daha kiçik əl qumbaralarını hədəflərə çatdırmaq üçün istifadə edirlər.
Xatırladaq ki, Britaniya və Latviya Ukraynaya PUA tədarükünü artırmaq ümidi ilə fevral ayında koalisya qurub.
Əlaqə whatsapp:+994 70 402 02 85
BakuNews.az
