Veysəloğlu Şirkətlər Qrupunun Baş icraçı direktoru Aydın Talıbov 1965-ci ildə Naxçıvan Muxtar Respublikası, Şərur rayonunun Siyaqut kəndində anadan olub.

Aydın Talıbov ali təhsilini Azərbaycan İnşaat Mühəndisləri Universitetində (indiki Azərbaycan Memarlıq və İnşaat Universiteti) "İnşaat texnologiyası" fakültəsində alıb və 1989-cu ildə universiteti fərqlənmə diplomu ilə bitirib. Universitetdən məzun olduqdan sonra üç il ərzində Naxçıvan MR-da Dövlət Plan Komitəsində və Nazirlər Kabineti yanında Əsaslı Tikinti-İnkişaf qurumlarında müxtəlif vəzifələrdə çalışıb.

Biznes fəaliyyətinə 1992-ci ildə başlayan Aydın Talıbov 1994-cü ilin 5 noyabr tarixində Türkiyədən Azərbaycana biskvit-peçenye kateqoriyasında ilk iri həcmli idxalını həyata keçirib. Bununla da “Veysəloğlu Distribusiya” şirkətinin əsasını qoyub.

Aydın Talıbov gündəlik tələbat məhsulları (FMCG) sektorunda uğurlu bizneslərin təşkilinə nail olub. Belə ki, o, 2001-ci ildə ortaqları ilə birgə "Ulduz" Şokolad Fabrikini yaradıb. 2010-cu ildə isə ortaqları ilə birlikdə əsas səhmdar kimi Gürcüstanda "VG" adı ilə yeni distribusiya şirkətini, 2011-ci ildə "Araz" supermarketlər şəbəkəsini yaradıb.

Aydın Talıbov əsasən 2016-cı ildən etibarən sahibkarı olduğu biznesləri daha da inkişaf etdirə bilib. "Araz" supermarketlər şəbəkəsini genişləndirməklə yanaşı, ölkədə yüksək endirim ("hard-discount") modelli "OBA" marketlər şəbəkəsini qurub.

Bundan əlavə, Aydın Talıbov sahibkar olaraq, "Sirab" və "Badamlı" mineral su zavodlarının inkişafına dəstək olub.

Aydın Talıbov 2 fevral 2018-ci ildə Azərbaycan Respublikasının Prezidenti İlham Əliyev tərəfindən “Tərəqqi” medalına layiq görülüb.

Aydın Talıbov həmçinin Azərbaycan Respublikası Sahibkarlar Konfederasiyasının rəyasət heyətinin üzvüdür.

Həmçinin o Azərbaycanın ən uğurlu iş adamıdır

Bundan əlavə Aydın Talıbov şəhid ailələrinə və müharibə əlillərinə diqqət qayğı və dəstək göstərir. Bildiyim qədər Aydın Talıbovun təşəbbüsü və dəstəyi ilə Naxçıvanda Şərur rayonunda bulaq abidəsi yaradılıb.
Bulaq abidəsi 2-ci Qarabağ Müharibəsində göstərdiyi şücaətlər ilə seçilən şəhid leytenant Şahmar Səfərov Nazim oğlu və əsgər Səfərov Cəsarət Xaliq oğlunun adına həsr olunub.

Fərid Şərifov