Avqustun 24-də 2003-cü il təvəllüdlü Zalikə Bəşirovaya kəsici-deşici alətlə xəsarət yetirilməsi barədə rayon prokurorluğuna məlumat daxil olub.

Xaçmaz rayon prokurorluğundan "Report"a verilən məlumata görə, araşdırmalarla 1996-cı il təvəllüdlü Sakit Muxtarovun Xaçmaz rayonu, Qusarçay kəndi ərazisində yerləşən istirahət mərkəzlərindən birində aralarında yaranmış mübahisə zamanı Zalikə Bəşirovaya bıçaqla xəsarətlər yetirərək onu qəsdən öldürməyə cəhd etməsinə əsaslı şübhələr müəyyən edilib.

Fakta görə Xaçmaz rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsilə cinayət işi başlanıb. Sakit Muxtarov prokurroluğun qərarı əsasında şübhəli şəxs qismində tutulub.

İbtidai istintaq davam etdirilir.

Məsələ ilə bağlı apardığımız kiçik araşdırmamızdan məlum olub ki, istirahət mərkəzlərinin birində deyilən məkan məhs Xaçmaz rayon YAP-ın sədri Məhəmməd Balaqadaşovun oğlu Cavid Balaqadaşovun işlətdiyi "Çoban Bulaq" istirahət mərkəzində hadisə baş verib. Qeyd edilən istirahət mərkəzi dövlət məmurlarının və böyük iş adamlarının daimi ziyarət etdikləri məkan kimi tanınmaqdadır. Rayon əhalisi arasında apardığımız sorğu nəticəsində hətta məlum oldu ki, ən bahalı restoran olan "Çoban Bulaq" istirahət mərkəzi Akif Çovdarovunda ən sevimli məkanları siyahısındadır. Bu məkana 2022-ci ildə hətta Xaçmazın icra başçısının Şimal jurnalistlərinin təltif edilməsi ilə əlaqədar verilən qonaqlıqda başçı özü iştirak etməsədə qonaqları həmin məkanda olub. Həmçinin Jurnalistlərə toplu şəkildə süfrə açılan məclis zamanı Keçmiş MTN əməkdaşı Akif Çovdarovda həmin məkanda bir qrup yaxınları ilə istirahətdə olub. Restoran sizin düşündüyünüz qədərdə sadə vətəndaşların rahat şəkildə istirahət edə biləcəyi yerlərdən deyil. Bu məkanın fəaliyyəti məhz oliqarxların istirahət yeri kimi tanınmaqdadır.

Cavid Balaqadaşov haqqında kiçik bir araşdırma apardıq. Əslində bu şəxs media üçün elədə naməlum şəxs deyil. Beləki, C.Balaqadaşov şimal regional ərazi üzrə tanınmış araşdırmaçı jurnalist Cəmil Məmmədliyə qarşı qaldırılan ittihamlarda zərərçəkmiş qismində tanınmış şəxsdir. Həmçinin şəxsin kənarda bildirdiyi ifadəsində C.Məmmədliyə qarşı ifadəsi olan səs yazılarıda youtube platformasında yüksək izləyici kütləsi qazanmışdır. Həmin səs yazılarında Cavid Cəmil barədə ifadəsində pul verməsi iıə bağlı qeyd edilən məlumatları təkzib edib. İstintaq materyalında olan ifadənin yalan olmaasını isə söyüşlərlə təsdiq etməyə çalışır. Lakin bu səs yazılarının ictimailəşməsindən sonra C.Məmmədli istintaq gedişatına maniə yaratması əsas gətirilərək qətiimkan tədbiri barəsində dəyişdirilimişdir.

Məsələ ilə bağlı Prokurorluqda araşdırma aparılmaqdadır. Hər hansı yenilik olarsa bununla bağlı oxuculara məlumat veriləcəkdir..Yazıda adı keçən şəxslərində mövqeyn dinləməyə hazırıq.