Tibbi Ərazi Bölmələrinin İdarəetmə Birliyinin Bakı Baş Səhiyyə Mərkəzi Publik Hüquqi Şəxs 2 Nömrəli Birləşmiş Şəhər Xəstəxanasında xaos hökm sürür.

Bakunews.az-ın əldə etdiyi məlumata əsasən Respublika Təxirəsalınmaz Təcili Tibbi Yardım İdarəsinin 1 saylı bölməsinə çağırış daxil olub. Çağırışın səbəbi küçədə bir nəfərin yıxılması olub. Təcili yardım briqadası dərhal hadisə yerinə yaxınlaşıb. Xəstəni hospital etmək üçün icazə alınıb. Mərkəz xəstənin 2 Saylı BŞX na yerləşdirilməsini məsləhət görüb. Xəstə 2 saylı BŞX yə çatdırılıb. Lakin Təcili Tibb Yardım maşınını heç xəstəxananın həyətinə belə buraxmayıblar. Xəstəyə maşında baxmağa gələn tibb işçiləri əvvəl xəstəni qəbul etmək istəsələrdə sonradan özünü Təsərrüfat müdiri kimi təqdim edən Cəfərov Natiq adlı şəxs tibb işçilərinə qəti göstəriş verərək xəstənin qəbul etməmələrini tələb edib. Təcili yardımın həkimi ondan kim olduöunu soruşanda isə bu xəstələrə mən baxıram məndə qəbul eləmirəm get dərdini kimə istəyirsən de.

Sonradan həmin təsərrüfat müdirinə bu göstərişin mərkəzin böyük həkimi tərəfindən olduğu bildirilsədə mən heç kimi hərləmirəm deyərək nəlayiq kobud ifadələrlə həkim briqadasını təhqir edib. Daha sonra Təsərrüfat müdiri 2 saylı BŞX nın baş həkimi Rövşən Məmmədova zəng vururaq mən qəbul eləmirəm dedi.

Nəticədə xəstə 6 saatdan artıq təcili yardım maşınında qalaraq vəziyyəti dahada ağırlaşıb. TƏBİB və Səhiyyə Nazirliyi bilməlidir ki, 2 saylı BŞX da adı baş həkim kimi qeyd olunan Rövşən Məmmədov əslində heç bir işə yaramayan lazımsız bir şəxsdi. Çünki onun yerinə bütün işləri Təsərrüfat müdiri Cəfərov Natiq görür. Qanun isə heç bir tibbi savadı olmayan adamın xəstələrə baxmasının cinayət olduğunu vurğulayır.

Əziz və hörmətli vətəndaşlarımız sizə məsləhətimiz odur ki, həkimlərə müraciət etməmişdən qabaq təsərrüfat müdirlərinə yaxınlaşın.
Yəqin ki, dövlətin ədalətli qanunu baş həkim Rövşən Məmmədovdan və Təsərrüfat müdiri Natiq Cəfərovdan yan keçməyəcək.

Hazırda tərəflərin rəsmi mövqeləri əldə edilməyib. Məsələ ilə bağlı TƏBİB və Səhiyyə Nazirliyi baş verənləri araşdırmaq və zəruri tədbirlər görmək üçün aidiyyəti üzrə məlumatlandırılıb.

Redaksiyamız qarşı tərəfin mövqeyini işıqlandırmağa hazırdır və bu barədə rəsmi açıqlama təqdim olunduğu halda əlavə məlumat yayımlanacaq.