Almaniyada NATO Hərbi Hava Qüvvələrinin “Hava müdafiəçisi” (“Air Defender”) təlimi başlayıb.

Ekspertlərin fikrincə, bu, “Soyuq müharibə”dən sonra keçirilən ən böyük təlimdir.

Rusiya Elmlər Akademiyasının Dünya İqtisadiyyatı və Beynəlxalq Münasibətlər İnstitutunun baş elmi işçisi Aleksandr Kamkin “Hava müdafiəçisi” təlimlərini Ukraynada davam edən müharibə kontekstində Rusiyaya siqnal kimi qiymətləndirib. Onun fikrincə, təlimin miqyası bütün keçmiş manevrləri üstələyir.

“Sözsüz ki, bu, Rusiyaya bir siqnaldır və Ukraynadakı vəziyyət kontekstində xüsusilə özünü büruzə verir. Tamamilə birmənalı şəkildə demək olar ki, bu, Rusiyaya qarşı yönəlmiş demarşdır”, - deyə politoloq vurğulayıb.

Öz növbəsində Rusiya Elmlər Akademiyasının Avropa İnstitutunun Avropa Təhlükəsizliyi Departamentinin rəhbəri Dmitri Danilov əlavə edib ki, təlimlərdə görünməmiş çox sayda aviasiya texnikasından istifadə ediləcək.
Daha əvvəl isə Almaniyanın “Bild” qəzetində dərc edilən yazıda bu təlimlər NATO tərəfindən də Moskva üçün siqnal adlandırılıb.

Qeyd edək ki, iyunun 12-dən 23-dək Almaniyada “Air Defender-2023” təlimləri keçiriləcək. Avropa və ABŞ-dən bir neçə min əsgərin iştirak edəcəyi təlimlər zamanı 240 təyyarə havaya qaldırılacaq.

Mənbə: Lenta.ru

Bakunews.az