Zelenski Trampdan şikayətləndi
Ukrayna Prezidenti Volodimir Zelenski ABŞ lideri Donald Trampın Kiyev və Moskva arasında dörd ilə yaxın davam edən müharibəni başa çatdırmaq üçün ona həddindən artıq təzyiq göstərməsindən şikayətlənib.
Zelenski bu barədə “Axios” nəşrinə müsahibəsində bildirib.
O, Trampın Ukraynanı açıq şəkildə güzəştə getməyə çağırmasını, lakin analoji tələblərin Rusiyaya qarşı səsləndirilməməsini ədalətsizlik hesab etdiyini bildirib.
“Ümid edirəm ki, bu onun qərarı deyil, sadəcə taktikasıdır”, - Zelenski deyib.
Eyni zamanda Ukrayna lideri danışıqlarda Vaşinqtonu təmsil edən ABŞ Prezidentinin xüsusi nümayəndəsi Stiven Uitkoff və Ağ Evin yüksəksəviyyəli müşaviri Cared Kuşner ilə şəxsi əlaqələrinin qarşılıqlı hörmətə əsaslandığını və ona heç bir təzyiq edilmədiyini qeyd edib: “Biz bir-birimizə hörmət edirik”.
Bununla belə, Ukrayna lideri təzyiq qarşısında asanlıqla təslim olan insan olmadığını diqqətə çatdırıb.
Əlaqə whatsapp:+994 70 402 02 85
BakuNews.az
