Artıq son zamanlar meşələrimizin kütləvi şəkildə qırılıb və oradakı dövlət meşə fondu torpaqlarının ayrı-ayrı vətəndaş və sahibkarlara tikinti, biçənək, mal-qara örüşü və kənd təsərrüfatı bitkilərini əkmək məqsədilə satılması geniş vüsət alıb.

Redaksiyamıza etibarlı mənbələrdən daxil olan çoxsaylı şikayətlərdə bildirilir ki, bu meşə quldurları və sözügedən cinayətlərin başında Ekologiya və Təbii Sərvətlər nazirinin müavini olan Vüqar Kərimov dayanır.
Bu dırnaq arası ekoloq harada qeyri-meşəçi (bədən tərbiyə müəllimi, hərbçi, komissar, mexanik və s.) var gətirib Regional Meşə Təsərrüfatları Mərkəzlərinə direktor və yaxud müavin təyin etdirib.
O, təyin etdirdiyi müavinərlərin elələri var ki, onların heç ali təhsili belə yoxdur və yaxud da heç ağacların cinsləri soruşulsa belə tamımazalar.

Bir neçə gün öncə mətbuatda "Şamaxı Regional Meşə Təsərrüfatı Mərkəzinin xidməti ərazisində olan meşələr qırılaraq elə oradaca Basqal qəsəbəsi yaxınlığında kustar üsulla kömür istehsal olunması" barədə xəbər paylaşıldı.
Ondan bir neçə gün sonra Fövqalada Hallar Nazirliyinin əməkdaşları gedib həmin kömür quyuların aşkar edib, kömürçüləri də çərimə etdilər.
Fövqalada Hallar Nazirliyinin əməkdaşlarının gücü ancaq kasıb təbəqəyə çatır. Bəs necə olur ki, meşə ərazisində kömür quyuları basdırılır və Şamaxı Regional Meşə Təsərrüfatı Mərkəzinin əməkdaşlarının bundan xəbəri olmur?!
İlk növbədə birinci oranın məsul şəxsləri cəzalanmalı idi.

Azerinfo.az xəbər portalına etibarlı mənbədən verilən məlumata görə,
Şamaxı Regional Meşə Təsərrüfatl Mərkəzinin xidməti ərazisində İsmayıllıdan Xənəyə kəndi arasında yerləşın Qakınçaq məşəbəyliyinin ərazisində (Yəni, Ismayıllıda Xənəyə gedən yolun sağ hissəsində) dövlət meşə fondu kafe yeri kimi satılıb.
Mənbənin bildirdiyinə görə, satılmış sözügedən yer çökək olduğu üçün, elə həmin ərazidə (yəni, dövlət meşə fondunda olan) Əyriçay yatağından qrabillər qazılaraq həmin tikinti yerinə tökülür.

Mənbə qeyd edir ki, Mərkəzin direktoru Rəsul Quliyev çox arxayıncasına meşələri "soyqırım"a məruz qoyur və dövlət meşə fondu torpaqların da tikinti məqsədi ilə satır.

Ümid edirik aidiyyatı qurumlar bu cinayətkar dəstə barəsində bir ölçü götürəcək.

Qarşı tərəfi dinləməyə hazırıq