Müştəri hüquqlarının kobud şəkildə pozulduğu iddia edilən restoranla bağlı AQTA niyə hər hansı qərar qəbul etməyib. Bununla bağlı aylardı bir açıqlama verilməməsi bir mənalı qarşılanmayıb. Deyilənə görə, “Neşve” restoranı yuxarı ranklı məmurun olduğundan AQTA və digər aidiyyatı qurumlar bu restoranın fəaliyyətini araşdırmağa ehtiyat edir.

Facebook sosial şəbəkəsində “müştərinin səsi” adlı qurupda sosial şəbəkə istifadəçisi Səxavət Nəsirov “Neşve” restoranında qarşılaşdığı xoşagəlməz mənzərə haqqında paylaşım edib.

Səxavət Nəsirov: “Neşve” restoranına gedən və oranın xidmətindən narazı qalan xeyli adam olduğundan əminəm. Ailəvi olaraq getmişik, sifariş vermək istəyirik, deyir ancaq iftar menyusu sifariş verə bilərsiniz. Deyirəm mən əlavə sifariş etmək istəyirəm, sən necə ola bilər mənim sifariş haqqımı məhdudlaşdırasan?

Bunu birtəhər qəbul etdim və dedim, yaxşı, iftar menyusu gətirin. İftar vaxtından 25 dəqiqə sonra iftar menyusu gətirdilər və çox səliqəsiz şəkildə. Taxta qabın üstündə guya məzələr qoyulub, onların da yağı dağılıb taxtanın üstünə. Menyuda salat və quzu qovurma yazılıb, inanın cəmi 1 qaşıq salatı qoyublar düyünün yanına, deyir salat bu qədər olur. Yeməklər çox keyfiyyətsiz, xidmət səviyyəsi isə olduqca aşağı. Bir daha ora getməyəcəyimə söz verdiyim məkanlardan oldu”.

Hətta bir müddət əvvəl saytlara zəng edən jurnalist Dövlət mühafizə orqanları tərəfindən xəbər portalarına zəng gələcəyini deyərək yazını silməyi məsləhət görüb. Bütün imkan tapdıqları yollarla yazıları silməyə can atsalar da yazıların bəziləri hələdə media səhifələrində qalmaqdadır.

Bu haqda bir çox media qurumları məqaləni dərc etdi lakin dövlət qurumlar buna əhəmiyyət verməməsi adı çəkilən məkanda tədbirlərin görülməməsi məsələnin yenidən gündəmə gətirməsinə rəvac verdi. Dövlət agentlikləri və nazirlikləri istehlakçı hüquqlarının qorunmasında və insanların ailə üzvlərinin yanında pis duruma salınması artıq dünyaya inteqrasiyadan çox cəhalətə inteqrasiyası olaraq qiymətləndirilir. Buna əhəmiyyət verməyən qurumların isə Çiçəklənən Azərbaycan lahiyəsinə xilaf çıxması anlayışın yaradır. Həmçinin qeyd etməliyik ki, bir insan etdiyi şikayəti silibsə ya geri çəkibsə, onun başına bu oyunun açılmadığı demək deyil. Şəxsin hansı məqsədlə nəyə görə şikayətini silməsi müəmma qalsada reallıqda restoran bu səhvi edib. Və buna görədə başqalarının başına bu oyunların gəlməməsi üçün məsələyə dövlət yanaşması mütləqdir.

Məqalədə adı çəkilən tərəflərin mövqe bildirmək hüququndan yararlanmalarına hər bir şərait yaradılmaqdadır.